KOLOSE 1:6 - JANJAI BLAU Lem Bahaso Jang Bebilai

⁶ Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

KOLOSE 1:6 ပူးပေါင်းရင်းမြစ်များ

MATIUS 24:14

Ngen Bito Baik tetang kero Allah meriteak bakea ke nabar moi kute dunio supayo kute tun temi'ukne. Sesudo'o kiamat teko.”

MATIUS 28:19

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah.

MARKUS 16:15

Lajau Si madeak ngen tobo'o, “Lalauba moi kute dunio melei namenba Bito Baik ngen kute makluk.

MARKUS 4:8

Ngen pao cucia nak pitok de baik, si idup subur ngen bebuak, haseane ade de telau puluak kilai lipet, ade de num puluak kilai lipet, ade de sotos kilai lipet.”

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 17:19

Ngen Uku semucai dirai-Ku utuk tobo'o, supayo tobo'o kulo senucai lem kebenea.

YOHANES 4:23

Tapi saatne bakea teko ngen sudo sapei uyo, bahwo penyembeak-penyembeak benea; bakea menyembeak Bapa lem Roh ngen de benea; sebab Bapa mesoa tun-tun de nyembeak Si seca'o awei yo.

KISAH RASUL-RASUL 11:18

Waktau tobo'o temi'uk hal'o, tobo'o jijai tenang, lajau memulikan Allah, nadeakne, “Jijai, bangso-bangso luyen kulo Allah melei karunio utuk tobat kunei duso-dusone.”

KISAH RASUL-RASUL 12:24

Sementaro'o firman Allah tambeak tesebea ngen tambeak dau teniuk tun.

KISAH RASUL-RASUL 16:14

Saleak suang kunei seselawei o de genne Lidia turut temi'uk. Si asalne kunei kota Tiatira, si suang tun tukang jagea kain ungu de mengasihi Allah. Tuhan mukok ateine, sehiggo si temi'uk jano de nadeak Paulus.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

ROMA 1:13

Saudaro-saudaro, uku lok, supayo udi namen, bahwo uku bi cet beniat utuk teko ngen udi – tapi sapei uyo ade bae halangan – kunyau neak tengeak-tengeak udi uku dapet aseane, awei kulo neak tengeak-tengeak bangso iso Yahudi de luyen.

ROMA 15:19

de senerto keajaiban-keajaiban ngen hal-hal luea biaso; kutene o kerno kuaso Roh Allah. Bito Baik tetang Kristus bi uku melei namen kutene ngen tun-tun, muloi kunei Yerusalem sapei moi Ilirikum.

ROMA 15:28

Amen uku bi semlesei tugas uku yo, ngen semreak ngen tobo'o de neak Yerusalem o sumbangan de sudo kenopoa o, mako uku bakea berakat moi negrai Spanyol liwet kotanu.

ROMA 16:26

Tapi uyo, das periteak Allah de abadi, rencano o bi nadeak ngen nelei namen ngen kute bangso liwet tulisan-tulisan tobo nebai, supayo tobo'o kutene pecayo, taat ngen Allah.

2 KORINTUS 10:14

Sebab lem melei namen Bito Baik tetang Kristus keme bi sapei ngen udi, sehinggo keme coa liwet batas penan kerjo keme, seolah-olah keme ati sapei ngen udi.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

EFESUS 3:2

Memang udi bi temi'uk bahwo Allah, kerno atei-Ne baik, bi melei ngen uku tugas yo utuk kepetingannu.

EFESUS 4:21

Udi bi temi'uk tetang Si. Ngen sebagoi penotoa-penotoa-Ne, udi bi najea kulo tetang sifet-sifet Allah de ade ngen-Si.

EFESUS 4:23

Lokba atei ngen pekerannu jijai blau kutene.

EFESUS 5:9

kerno kunei te'ang timboa kebaikan, keadilan ngen kebenaran,

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 4:17

Do'o iso taine uku cuma lok temimo pelei. De uku lok adeba supayo uku dapet kemliak asea-asea de temambeak utung.

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

1 TESALONIKA 1:5

Sebab keme semapei Bito Baik ngen udi iso ngen kecek-kecek bae, tapi kulo ngen kuaso Roh Allah. Ngen keme yakin sekilai ngen kebenaran Bito Baik o. Udi namen awei ipe keme idup utuk kepetingannu ketiko keme ade neak tengeak-tengeak udi.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

2 TESALONIKA 2:13

Saudaro-saudaro de Tuhan kasihi! Keme harus bogoa mucep syukur ngen Allah tetang udi, sebab kunei mulone Allah bi miliak udi utuk senlamat lem Roh de semucai udi ngen lem kebenaran de udi pecayo.

1 PETRUS 5:12

Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.