KOLOSE 1:28 - JANJAI BLAU Lem Bahaso Jang Bebilai

²⁸ Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

KOLOSE 1:28 ပူးပေါင်းရင်းမြစ်များ

EFESUS 5:27

Ngen awei o Kristus mpek jemaat neak adep dirai-Ne ngen cemerlang, coa cacet atau cela, tapi supayo jemaat sucai ngen coa cacet.

MATIUS 5:48

Kerno'o harusba udi sempurno serai ngen Allahnu de ade neak surgo.”

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

1 KORINTUS 2:6

Kunyau awei o, neak antaro tun-tun de imenne bi kuet, uku memang miling tetang kebijaksanaan. Tapi kebijaksanaan yo iso kebijaksanaan dunio, atau kebijaksanaan penguaso-penguaso zaman yo, de kuasone bakea nyep.

KOLOSE 1:22

Tapi uyo, ngen kematian Anok-Ne, Allah menea hubungan udi ngen Si jijai baik igai. Ngen ca'o do'o udi dapet nemin madep Allah lem keadaan sucai, murni ngen coa de cacet.

2 KORINTUS 11:2

Uku indau ngen udi, awei Allah suang kulo indau ngen udi. Udi adeba awei suang semulen de masiak sucai de sudo uku jenanjai utuk nikeak ngen suang semanei, adeba Kristus.

2 KORINTUS 4:5

Bito de keme semapei o isoba bito tetang dirai keme suang. Bito o adeba bito tetang Yesus Kristus; bahwo Si adeba Tuhan; ngen keme adeba hamba-hambanu kerno Si.

KISAH RASUL-RASUL 20:31

Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.

KISAH RASUL-RASUL 8:35

Filipus kulo muloi miling ngen betulok kunei ayat o si melei namen Bito Baik tetang Yesus ngensi.

IBRANI 10:14

Jijai ngen do kurban, Kristus menea tun-tun de sudo senucai kunei duso jijai sempurno.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

KOLOSE 2:10

Kerno jijai do ngen Kristus, udi kulo nelei idup sepenuakne. Sebab Kristus adeba pemipin das kute roh de bekuaso ngen de meriteak.

1 KORINTUS 12:8

Ngen de suang, Roh o melei kesanggupan utuk miling ngen kuaso. Ngen de luyen Roh de serai o melei kesanggupan utuk jemlas tetang Allah.

EFESUS 3:8

Neak antaro kute umat Allah, ukuba de kebiak hino. Tapi Allah melei karunio o ngen uku, utuk melei namen ngen tun-tun iso Yahudi Bito Baik tetang kekayaan Kristus de coa pakei abis,

2 KORINTUS 10:14

Sebab lem melei namen Bito Baik tetang Kristus keme bi sapei ngen udi, sehinggo keme coa liwet batas penan kerjo keme, seolah-olah keme ati sapei ngen udi.

1 KORINTUS 15:12

Amen de keme madeak o adeba bahwo Kristus sudo idup igai kunei mateine, getai ade kunei antaronu de madeak bahwo tun matei coa bakea idup igai?

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

LUKAS 21:15

Sebab Uku suang bakea melei ngen udi kecek-kecek bijaksana, sehinggo udi coa dapet nelawen ngen nebantah lawen-lawennu.

1 KORINTUS 2:15

Tun de temuan Roh Allah dapet kenliak kute sesuaktau, tapi coa suang tun kulo berhok menilai si.

1 KORINTUS 1:23

Tapi ite yo cuma melei namen Kristus de matei senalib. Bito o seminggung atei tun Yahudi, naggep mike ngen tun-tun iso Yahudi.

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

KISAH RASUL-RASUL 17:3

Si tem'ang ngen melei bukti ngen tobo'o bahwo Rajo Penyelamat harus meding saro ngen idup igai kunei tun matei, lajau Paulus madeak, “Dioba Rajo Penyelamat, adeba Yesus, de uku melei ngen ko.”

KISAH RASUL-RASUL 10:36

Do'oba firman de Si semapei ngen tun-tun Israel waktau si melei namen damoi sejahtera liwet Yesus Kristus de adeba Tuhan kunei kute tun.

KISAH RASUL-RASUL 9:20

Si lasung lalau moi umeak-umeak semyang muloi melei namen bahwo Yesus do'oba Anok Allah.

KISAH RASUL-RASUL 8:5

Filipus lalau moi do kota neak Samaria ngen melei namen ngen tun-tun neak di tetang Rajo Penyelamat de jenanjai Allah.

KISAH RASUL-RASUL 5:42

Ngen tiep bilai neak Umeak Tuhan ngen neak umeak-umeak tun, tobo'o bogoa ngajea ngen melei namen Bito Baik tetang Yesus bahwo Siba Rajo Penyelamat de jenanjai o.

KISAH RASUL-RASUL 3:20

Tuhan bakea teko ngen ko ngen udi bakea meding kesegaran rohani. Ngen Tuhan bakea meluak Yesus teko ngen ko, kerno si sudo tentau ngen Allah jijai Rajo Penyelamat utuknu.

MARKUS 6:34

Ketiko Yesus tu'un kunei biduk, Si kemliak tun dau belugguk, mako tegerokba ateine ngen asai ibo ngen tobo'o. Kerno tobo'o awei bebirai de coa temuan gembala. Lajau muloiba Si majea dau hal ngen tobo'o.

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

MATIUS 3:7

Tapi waktau Yohanes kemliak dau tun Farisi ngen tun Saduki teko utuk dibaptis, si madeak ngen tobo'o, “Udi tun jahat! Api madeak ngen udi amen udi nam nilok kunei murko gi bakea teko?

2 PETRUS 3:15

Anggapba kesabaran Tuhan ite sebagai kesepatan de nelei-Ne ngen udi supayo selamat. Paulus, saudaro ite de tecit'o, sudo temulis de awei'o kulo ngen udi. Si temulis o ngen kebijaksanaan de nelei Allah ngen si.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 TESALONIKA 4:6

Lem hal awei o, jibeakba suang tun kulo menea saleak ngen Saudarone, atau mikene. Bel'o keme bi melei peringatan ngen udi, bahwa Tuhan bakea mukum tun-tun de menea saleak awei o.

1 KORINTUS 4:14

Uku temulis dio iso utuk menea udi jijai selek, tapi utuk melei nasihat udi awei anok-anokku suang.

KISAH RASUL-RASUL 13:38

Jijai, namen ba, Pasuak-pasuak, kerno Siba mako nelei namen ngen udi pengapunan duso. Ngen hukum Musa udi coa dapet mbenea dirai.

KISAH RASUL-RASUL 11:20

Tapi, neak antaro tobo'o ade kekedau tun Siprus ngen tun Kirene de sapei neak Antiokhia, madeak kulo nge tun-tun makei bahaso Yunani ngen melei namen tetang Tuhan Yesus.

KISAH RASUL-RASUL 17:18

Gu'au-gu'au aliran Epikuros ngen aliran Stoa bedebat kulo ngen si. Ade de madeak, “Jano de lok tukang ngike madeak?” Tapi de luyen madeak, “Rupone si melei namen tetang ajaran diwo-diwo bangso luyen.” Kerno si melei namen Bito Baik tetang Yesus ngen idup igai sesudo matei.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.