KOLOSE 1:27 - JANJAI BLAU Lem Bahaso Jang Bebilai

²⁷ Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 1:27 ပူးပေါင်းရင်းမြစ်များ

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

LUKAS 17:21

sehinggo tun dapet madeak, ‘Maro kenliak, si ade neak piyo atau si ade neak di!’ Sebab sesungguakne bahwa Allah sudo memeriteak neak tengeak-tengeak udi.”

YOHANES 14:17

Si'oba Roh kebenea. Dunio coa dapet temimo Si, sebab dunio coa kemliak Si ngen coa namen ngen Si. Tapi udi namen ngen Si, sebab Si semerto udi, bakea diem neak lem udi.

YOHANES 14:20

Pado waktau'oba udi bakea namen bahwo Uku lem Bak-Ku ngen udi neak lem Uku ngen Uku lem udi.

YOHANES 14:23

Jawab Yesus, “Amen suang mengasiak Uku, si bakea temotoa firman-Ku ngen Bak-Ku bakea mengasiak si. Keme bakea teko ngen si ngen tinggea sesamo ngen si.

YOHANES 17:26

Uku bi melei namen ngen Ko, tobo'o ngen Uku bakea melei namenne, supayo kasiak de Ko melei ngen Uku ade neak lem tobo'o ngen Uku neak lem tobo'o.”

YOHANES 6:56

Tun de mbuk daging-Ku ngen menem daleak-Ku, tep jijai do ngen Uku, ngen Uku ngen si.

ROMA 11:33

Padeak hebatne kekayaan, hikmat ngen pengetahuan Allah! Sungguak coa dapet senlidik keputusan-Ne ngen sungguak coa dapet ngertai dalen-dalen-Ne!

ROMA 2:4

Jano ko lok manggap mudeak kekayaan kemurahan-Ne, kesabaran-Ne ngen kelapangan atei-Ne? Jano udi coa namen, bahwo maksud kemurahan Allah adeba menea udi jijai tobat?

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 8:10

Tapi amen Kristus ade neak lem udi, mako awok memang matei kerno duso, tapi Roh adeba kehidupan kerno kebenaran.

ROMA 9:23

justru utuk kemten kekayaan kemuliaan-Ne das benda-benda kasihan-Ne de sudo seniap-Ne utuk kemuliaan,

1 KORINTUS 3:16

Jano udi namen bahwo udi adeba Bait Allah? Ngen bahwo Roh Allah tinggea neak lem udi?

2 KORINTUS 2:14

Tapi syukur ngen Allah! Si bogoa mipin keme neak dalen kemenangan Kristus. Allah makei keme supayo bito tetang Kristus tesebea awei aroma de um moi ipe bae.

2 KORINTUS 4:17

Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

GALATIA 2:20

Uyo iso igai uku de idup, tapi Kristus de idup lem dirai uku. Idup de uyo uku maneu seca'o jasmani adeba idup ngen imen lem Anok Allah de sudo mengasihi uku ngen semreak dirai-Ne utuk uku.

GALATIA 4:19

Hoi, anok-anokku, uku uyo menderita igai kerno udi. Uku menderita awei suang ibu menderita pado waktau melaher. Uku bakea terus menderita, amen sifet-sifet Kristus ati ade neak lem ateinu.

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

EFESUS 2:22

Neak lem Si udi kulo dong ten gok jijai Penan Allah, neak lem Roh-Ne.

FILIFI 4:19

Allah de uku sembeak, de kembiak kayo lem Kristus Yesus, bakea melei kute de udi perlu.

KOLOSE 1:5

Udi pecayo ngen udi mengasihi, sebab udi ma'ep ngen jano de seniap Allah neak surgo. Udi bi temi'uk hal o, ketiko Bito Baik de benea senapai ngen udi.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

KOLOSE 3:11

Lem hal yo coa ade igai tun Yunani atau tun Yahudi, tun besunat atau tun coa besunat, orang Barbar atau Skit, budok atau tun bebas, tapi Kristus adeba kutene ngen Si jijai do ngen tobo'o kutene.

1 TIMOTIUS 1:1

Timotius, anokku de sejati neak lem Tuhan! Su'et yo kunei uku, Paulus, rasul Kristus Yesus das periteak Allah, Penyelamat ite ngen das periteak Kristus Yesus, harapan te. Semoga Allah Bapa ngen Kristus Yesus Tuhan ite melei berkat, rahmat ngen sejahtera ngen ko.

IBRANI 6:19

Harapan ite o awei jangkar de tetanem kembiak lem, adeba pegongan de kuet ngen aman utuk idup ite. Harapan o tembus tabir Ruang Mahasucai neak Umeak Tuhan neak surgo.

1 YOHANES 4:4

Tapi anok-anokku, udi de Allah temuan. Udi bi maleak nebai-nebai palsu, sebab de ade ngen udi lebiak bekuaso kunei roh de ade ngen tun-tun de temuan dunio yo.

WAHYU 3:20

Keliak! Uku je neak adep bang ngen kemtuk bang. Amen ade tun de temi'uk suaro-Ku, ngen mukok bang, Uku bakea masuk magea si; Uku bakea mukmei besamo-samo si ngen si mukmei besamo-samo Uku.