KOLOSE 1:23 - JANJAI BLAU Lem Bahaso Jang Bebilai

²³ Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:23 ပူးပေါင်းရင်းမြစ်များ

MARKUS 16:15

Lajau Si madeak ngen tobo'o, “Lalauba moi kute dunio melei namenba Bito Baik ngen kute makluk.

LUKAS 22:32

Tapi Uku bi bedu'o utuknu, supayo imennu jibeak lemuak. Ngen udi, amen ko sudo insaf, kenuetba pasuak-pasuaknu.”

LUKAS 6:48

Si awei tun de ketiko mbangun umeak mikoa lehlem, lajau menea pondasine pado butau. Pado waktau ade banjir ngen bioa masuk moi umeak o, umeak o coa dapet genuyang, sebab sudo mbangun neak das pondasi de baik.

YOHANES 15:6

Api de coa tinggea lem Uku, si nuang moi luea awei dan jijai ke'ing, sesudo'o tun melunggukne nuang moi lem opoi lajau nembem.

KISAH RASUL-RASUL 1:17

Bel o si temasuk saleak suang kunei keme ngen mok pagiak neak lem pelayanan yo.” (

KISAH RASUL-RASUL 1:25

utuk temimo jabatan pelayan de teninggea Yudas de bi us moi penan de wajar bagiakne.”

KISAH RASUL-RASUL 1:8

Tapi udi bakea temimo kuaso amen Roh Sucai tu'un ngen udi, udi bakea jijai saksai-saksai-Ku neak Yerusalem ngen neak kute Yudea ngen Samaria sapei moi ujung bumai.”

KISAH RASUL-RASUL 11:23

Sesodo Barnabas teko ngen kemliak anugrah Allah, riangba si. Si melei periteak supayo tobo'o kute sungguak-sungguak setia ngen Tuhan,

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

KISAH RASUL-RASUL 2:5

Waktau o neak Yerusalem tinggea tun-tun Yahudi de taat kunei kute bangso neak beak lenget.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 26:16

Tapi uyo, Kelongonba ngen je ba. Uku kemten dirai utuk temtep ko jijai pelayan ngen saksai tetang kute de sudo ko kemliak kunei Uku ngen jano de bakea uku kemten ngen ko be.

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

ROMA 10:18

Tapi uku betanye: Jano tobo'o coa temi'ukne? Memang tobo'o bi temi'ukne: “Sa'ei tobo'o sapei moi kute dunio, ngen kecek tobo'o sapei moi ujung bumai.”

ROMA 15:16

Si bi menea uku jijai pelayan Kristus Yesus utuk nutus ngen bangso-bangso de iso Yahudi. Ngen uku bertindak sebagai imem, de melei namen Bito Baik kunei Allah, supayo tun-tun iso Yahudi jijai suaktau persembahan ngen Allah de dapet tenimo-Ne. Semoga Roh Allah menea tobo'o jijai suaktau persembahan de khusus utuk Allah.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

ROMA 5:5

Harapan de awei yo coa bakea menea ite keciwo, kerno atei ite sudo nelei Allah ngen kasih-Ne. Allah menea o liwet Roh-Ne de sudo nelei ngen ite.

1 KORINTUS 15:58

Kerno o, Saudaro-saudaro de uku cemito, lokba udi kuet ngen teguak. Kerjoba terus utuk Tuhan ngen bebenea, sebab udi namen bahwo kute de udi kemerjo utuk Tuhan, coa bakea sesio.

1 KORINTUS 3:5

Sebeneane api Apolos o? Ngen Api Paulus o? Keme cuma pelayan-pelayan Allah, de sudo melei nasihat ngen udi utuk pecayo ngen Kristus. Keme cuma maneu kerjo de Tuhan nelei ngen keme masing-masing.

2 KORINTUS 10:1

Uku, Paulus, suang tun de coa binai amen sekadep papea ngen udi, tapi binai teadep udi amen kunei ku'uak, uku minget udi demi Kristus de lemah lembut ngen ramah.

2 KORINTUS 11:23

Jano tobo'o pelayan Kristus? – uku madeak awei tun iloa – uku lebiak igai! Uku kerjo lebiak giat; lebiak galok neak lem sel; uku lebiak dau senikso, cet gesea matei.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

2 KORINTUS 4:1

Keme menea kerjo yo kerno Allah baik. Do'o sebabne keme coa putus asa.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 4:11

Uku khawatir, jibeak sapei jerih payeakku utuk udi sio-sio bae.

GALATIA 5:5

Sebab ngen roh, ngen kerno imen, ite mbot pembenaran de ite ma'ep.

GALATIA 5:7

Bel'o udi berjuang ngen baik. Uyo getai udi coa taat igai ngen kelok Allah? Api sudo majung udi?

GALATIA 6:9

Jibeakba ite bosan menea baik, kerno amen bi sapei waktaune, ite bakea dapet asea, amen ite coa jijai lemah.

EFESUS 1:18

Uku minoi supayo Allah mukok pekerannu sehinggo jijai te'ang: supayo udi ngertai jano de udi ma'ep kunei Allah de menok udi. Kulo supayo udi namen kebiak dau berkat-berkat de baik de seniap Allah utuk umat-Ne;

EFESUS 2:21

Siba de semusun kute bangunan o jijai Bait Allah de khusus utuk Tuhan.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

EFESUS 4:16

Neak beak pipinan-Ne, kute anggota awok o tesusun rapi, ngen neket jijai do ngen pelayanan kute bagianne. Amen tiep-tiep anggota o bekerjo awei de seharusne, mako kute awok o bakea idup jijai lai ngen kuet lem kasiak.

KOLOSE 1:25

Allah meluak uku jijai pelayan jemaat-Ne utuk kepentingannu. Uku harus semapei bito kunei Allah kutene.

KOLOSE 2:7

Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

1 TESALONIKA 3:3

Ngen awei o coa suang kulo kunei udi de coa kuet imenne kerno derito-derito yo. Udi suang namen bahwo derito-derito o adeba lem rencano Allah utuk ite.

1 TESALONIKA 3:5

Do'oba sebabne uku mutus Timotius, kerno uku lok nien namen awei ipe imennu lem hal pecayo ngen Kristus. Uku khawatir Iblis berasea menggoda udi sehinggo kute jerih payeak keme coa sio-sio.

1 TESALONIKA 5:8

Tapi ite, de adeba tun-tun lueng, sebab o pekeran ite harus te'ang. Ite harus tep pecayo ngen Tuhan ngen mengasihi tun-tun luyen serto ma'ep ngen yakin bahwo Allah bakea semlamat ite. Do'oba senatai de melindungi ite lem perjuangan melawen kelem.

2 TESALONIKA 2:16

Semoga Tuhan ite Yesus Kristus suang, ngen Allah Bapa ite mibur ngen kemuet ateinu, supayo udi dapet menea ngen melei namen jano de baik. Sebab Allah mengasihi ite, ngen kerno atei-Ne baik Si menea ite tep tabah, serto ma'ep de baik.

1 TIMOTIUS 1:12

Uku mucep syukur ngen Kristus Yesus Tuhan ite. Si bi melei kekuatan ngen uku utuk melayan Si, ngen Si manggap uku patas utuk tugas o,

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

TITUS 3:7

supayo rahmat Yesus, menea ite baik igai ngen Allah, ite temimo idup sejati ngen kekal.

IBRANI 10:38

Ngen umat-Ku benea bakea pecayo ngen idup; tapi amen ade neak antaro udi de mondor, mako Uku coa bakea senang ngen si.”

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 4:14

Do'oba sebabne ite harus be pegong teguh pado kepercayaan ite. Sebab ite temuan Imem Lai de lai, de sudo masuk sapei neak adep Allah – Siba Yesus Anok Allah.

IBRANI 6:19

Harapan ite o awei jangkar de tetanem kembiak lem, adeba pegongan de kuet ngen aman utuk idup ite. Harapan o tembus tabir Ruang Mahasucai neak Umeak Tuhan neak surgo.

1 PETRUS 1:3

Maroba ite bersyukur ngen Allah, Bapa Tuhan ite Yesus Kristus! Si kembiak mengasihi ite, do'o sebabne Si melei ngen ite idup de belau, midup igai Yesus Kristus kunei matei. Dio melei ite harapan de kuet.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 YOHANES 2:27

Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

WAHYU 2:10

Jibeakba saben te'adep penderitaan de coa an igai harus udi meding. Tinget, Iblis bakea embin kekedau kunei udi masuk lem sel utuk cemubo udi. Udi bakea saro puluak bilai an ne. Lokba udi setia ngen Uku sapei matei, mako Uku bakea melei ngen udi idup sejati ngen kekal sebagai hadiah kemenangan.