KOLOSE 1:22 - JANJAI BLAU Lem Bahaso Jang Bebilai

²² Tapi uyo, ngen kematian Anok-Ne, Allah menea hubungan udi ngen Si jijai baik igai. Ngen ca'o do'o udi dapet nemin madep Allah lem keadaan sucai, murni ngen coa de cacet.

KOLOSE 1:22 ပူးပေါင်းရင်းမြစ်များ

LUKAS 1:75

lem sucai ngen benea neak adep Si somor idup te.

ROMA 7:4

Sebab o, saudaro-saudaroku, udi kulo bi matei utuk hukum agamo Yahudi ngen awok Kristus, supayo udi jijai de tun luyen temuan, adeba Si de temuan, de sudo idup igai kunei antaro tun matei, kunyau ite melei asea utuk Allah.

2 KORINTUS 11:2

Uku indau ngen udi, awei Allah suang kulo indau ngen udi. Udi adeba awei suang semulen de masiak sucai de sudo uku jenanjai utuk nikeak ngen suang semanei, adeba Kristus.

2 KORINTUS 4:14

Keme yakin bahwo Allah de sudo midup igai Tuhan Yesus, bakea midup keme kulo ngen Yesus, ngen mbin udi ngen keme moi adep-Ne.

2 KORINTUS 5:18

Kutene yo kunei Allah, ngen perantaraan Kristus bi ndamoi ite ngen dirai-Ne, ngen Kristus bi melei kepercayaan pelayanan perdamaian o ngen keme.

EFESUS 1:4

Ayok dunio yo jenijai, Allah bi miliak ite liwet Kristus ngen maksud supayo ite sucai ngen coa cacet neak adep-Ne.

EFESUS 5:27

Ngen awei o Kristus mpek jemaat neak adep dirai-Ne ngen cemerlang, coa cacet atau cela, tapi supayo jemaat sucai ngen coa cacet.

KOLOSE 1:28

Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

1 TESALONIKA 4:7

Allah menok ite, iso supayo ite idup cabul, meluyen supayo ite idup ngen ca'o de semnang atei-Ne.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 10:20

Yesus bi mukok dalen de blau utuk ite, adeba dalen de melei kehidupan. Dalen o liwet tabir, adeba awok Yesus suang.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

2 PETRUS 3:14

Sebab o, saudaro-saudaro de tecito, sementaro udi mbot kutene o, berusahoba sungguak-sungguak utuk idup sucai ngen coa ade cacet neak adep Allah, neaba hubungan de baik ngen Allah.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,