KOLOSE 1:20 - JANJAI BLAU Lem Bahaso Jang Bebilai

²⁰ Ngen liwet Anok o kulo Allah mutus utuk menea kute sesuaktau baik igai ngen Si – baik kute sesuaktau neak dunio, atau de neak surgo. Allah menea o liwet mateine Anok-Ne neak salib.

KOLOSE 1:20 ပူးပေါင်းရင်းမြစ်များ

MATIUS 1:21

Mariam bakea melaher anok semenei. Ko harus melei genne Yesus, kerno Si bakea semlamat umat-Ne kunei duso-duso tobo'o.”

LUKAS 2:14

“Tepujaiba Allah neak lenget de kembiak lekat! Ngen neak das bumai, sejahteraba manusio de semnang atei Tuhan!”

KISAH RASUL-RASUL 10:30

Jawab Kornelius, “Pat bilai de sudo kekiro pado waktau de serai awei uyo, adeba jam telau pelbeak, uku gidong bedu'o neak umeakku. Tetibo ade suang tun je neak adepku, keracokne bekilet.

ROMA 5:1

Sebab o, ite de benea kerno imen, ite idup lem damoi sejahtera ngen Allah kerno Tuhan ite, Yesus Kristus.

EFESUS 1:10

Rencano o adeba supayo kute sesuaktau, baik de neak surgo atau de neak bumai, jijai do ngen Kristus sebagoi pemipin. Hal o bakea senlesei ngen Allah amen bi sapei waktaune.

FILIFI 2:10

Mako utuk menghormati Yesus, kute makhluk de neak surgo, ngen de neak bumai, serto de neak beak bumai, bakea nyembeak Si.

KOLOSE 1:16

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.