KOLOSE 1:19 - JANJAI BLAU Lem Bahaso Jang Bebilai

¹⁹ Allah suangba de kemlok supayo kute sesuaktau de ade neak dirai Allah, ade kulo neak dirai Anok-Ne.

KOLOSE 1:19 ပူးပေါင်းရင်းမြစ်များ

LUKAS 10:21

Pado waktau o kulo beriangba Yesus lem Roh Allah ngen madeak, “Uku besyukur ngen-Kumu, Bapa, Tuhan lenget ngen bumai, kerno kutene o Ko munyin bagiak tun bijak ngen pacok, tapi Ko melei nyato ngen tun titik. Au Bapa, do'oba de semnang atei Bapa.

YOHANES 1:16

Kerno kunei kepenuhan-Ne ite kute bi tenimo anugrah demi anugrah.

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

EFESUS 1:23

Jemaat adeba awok Kristus, jijai sempurno ngen Si de jemijai sempurno kute sesuaktau neak ipe bae.

EFESUS 1:3

Tepujaiba Allah ngen Bapa Tuhante Yesus Kristus bi melei karunio ngen ite kute berkat rohani neak lem surgo.

EFESUS 1:5

Lem kasih Si bi temtau ite kunei semulo liwet Yesus Kristus utuk jijai anok-anok-Ne, sesuoi ngen kerelaan kelok-Ne.

EFESUS 4:10

Si de sudo tu'un, Si kulo de sudo kenek uak lebiak lekat kunei pado kute lenget, utuk melei kute sesuaktau.

KOLOSE 2:3

Kristusba de kemten kute kebijaksanaan ngen pengetahuan Allah de bel'o coa keten.

KOLOSE 2:9

Sebab kute kepribadian Allah ade lem Kristus, adeba lem kemanusiaan-Ne.

KOLOSE 3:11

Lem hal yo coa ade igai tun Yunani atau tun Yahudi, tun besunat atau tun coa besunat, orang Barbar atau Skit, budok atau tun bebas, tapi Kristus adeba kutene ngen Si jijai do ngen tobo'o kutene.