KOLOSE 1:16 - JANJAI BLAU Lem Bahaso Jang Bebilai

¹⁶ Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

KOLOSE 1:16 ပူးပေါင်းရင်းမြစ်များ

YOHANES 1:10

Firman bi ade neak lem dunio ngen dunio jenijei liwet Si, tapi dunio coa kemnal Si.

YOHANES 1:3

Kute sesuatau jenijai ngen Si coa gen Si coa ade suatu kulo de sudo jijai kunei kute de sudo jenijai.

ROMA 11:36

Allah de menea kute sesuaktau. Kutene kunei Allah. Kutene utuk Allah. Tepujaiba Allah utuk selamo-lamone! Amin.

ROMA 8:38

Sebab uku yakin, bahwo baik maut, atau idup, baik malaikat-malaikat, atau pemeriteak-pemeriteak, baik de ade uyo, atau de bakea teko,

ROMA 9:5

Tobo'o adeba royot bapa-bapa leluhur, de tumu'un Kristus lem keadaan-Ne sebagai manusio, de ade neak das kute sesuaktau. Si adeba Allah de harus nujai sapei selamo-lamone. Amin!

1 KORINTUS 8:6

Tapi bagiak ite, Allah cuma do. Si Bapa de menea kute sesuaktau. Utuk Siba ite idup. Tuhan cuma do kulo, adeba Yesus Kristus. Liwet Si kutene nea, kerno Siba mako ite idup.

EFESUS 1:10

Rencano o adeba supayo kute sesuaktau, baik de neak surgo atau de neak bumai, jijai do ngen Kristus sebagoi pemipin. Hal o bakea senlesei ngen Allah amen bi sapei waktaune.

EFESUS 6:12

Sebab ite berjuang isone melawen manusio, tapi melawen kekuatan kute iblis-iblis de kemuaso zaman de kidek yo. Ite melawen kekuatan roh-roh kidek de kemuaso udara.

FILIFI 2:10

Mako utuk menghormati Yesus, kute makhluk de neak surgo, ngen de neak bumai, serto de neak beak bumai, bakea nyembeak Si.

KOLOSE 1:15

Kristus adeba gambar de nyato kunei dirai Allah de coa keten; Kristus adeba anok tuai, Siba de lebiak utamo lem kute sesuaktau.

KOLOSE 1:20

Ngen liwet Anok o kulo Allah mutus utuk menea kute sesuaktau baik igai ngen Si – baik kute sesuaktau neak dunio, atau de neak surgo. Allah menea o liwet mateine Anok-Ne neak salib.

KOLOSE 2:10

Kerno jijai do ngen Kristus, udi kulo nelei idup sepenuakne. Sebab Kristus adeba pemipin das kute roh de bekuaso ngen de meriteak.

KOLOSE 2:15

Kristus menea kute roh-roh de meriteak ngen bekuaso jijai coa de dayo igai ngen jemijai tobo'o totonan tun dau lem kemenangan-Ne.

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

IBRANI 2:10

Memang bi sepatutne Allah – de menea kute sesuaktau utuk maksud-Ne su'ang – menea Yesus penyelamat de sempurno liwet penderitaan. Ngen o Allah dapet majok dau tun utuk turut diagungkan besamo Yesus. Sebab Siba meretes dalen bagiak tobo'o utuk dapet selamat.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.