KOLOSE 1:13 - JANJAI BLAU Lem Bahaso Jang Bebilai

¹³ Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

KOLOSE 1:13 ပူးပေါင်းရင်းမြစ်များ

MATIUS 17:5

Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 3:17

Lajau tiukba saei Allah de madeak, “Dioba Anok de Uku kamasiak, Si semnang atei-Ku.”

LUKAS 13:24

Yesus jemawab ngen tun-tun neak di, “Berusahoba utuk masuk liwet bang de sepit. Sebab, inget! Dau tun berusaho masuk tapi coa dapet.

LUKAS 22:53

Padohal tetiep bilai Uku ade neak tengeak-tengeak udi neak lem Umeak Tuhan, ngen udi coa temakep Uku. Tapi dioba saat udi, ngen dioba kuaso kegelapan o.”

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

YOHANES 3:35

Bapa kemasiak anok ngen bi semereak kute sesuatau ngen Si.

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

2 KORINTUS 11:14

Coa sele tobo'o menea awei o, sebab Iblis suang kulo nyamar sebagoi malaikat te'ang.

2 KORINTUS 4:4

Tun-tun de coa pecayo, de pekeranne bi tetutup ngen ilah zaman yo, sehinggo tobo'o coa kemliak cahayo kunei Bito Baik o de adeba gambar Allah.

EFESUS 1:6

Tepujaiba Allah de agung, kerno liwet Anok-Ne de tecito Si kebiak sayang ngen ite.

EFESUS 4:18

Pekeran tobo'o bi kelem, uak kunei idup de asalne kunei Allah, kerno tobo'o coa temuan pengetahuan jejano tetang Allah kerno tobo'o telo atei.

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

EFESUS 5:8

Memang bel'o udi ade neak lem kelem, tapi uyo udi adeba te'ang neak lem Tuhan. Sebab o idupba sebagoi anok-anok te'ang,

EFESUS 6:12

Sebab ite berjuang isone melawen manusio, tapi melawen kekuatan kute iblis-iblis de kemuaso zaman de kidek yo. Ite melawen kekuatan roh-roh kidek de kemuaso udara.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

1 PETRUS 2:9

Tapi udi adeba bangso de tepiliak, imem-imem de melayan rajo, bangso de sucai, khusus utuk Allah, umat Allah su'ang. Allah miliak udi ngen menok udi kelua kunei kegelapan utuk masuk moi lem te'ang-Ne de ajaib, maksudne supayo udi melei namen bito tetang perbuatan-perbuatan-Ne de luea biaso.

2 PETRUS 1:11

Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.

1 YOHANES 2:8

Kunyau awei o, periteak de uku temulis yo belau kulo; kerno kebeneane dapet kenliak neak dirai Kristus ngen dirai udi. Sebab kelem tambeak nyep ngen te'ang de benea bi muloi bersinar

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.