KOLOSE 1:11 - JANJAI BLAU Lem Bahaso Jang Bebilai

¹¹ Semoga ngen kuaso kunei Allah de agung, udi kenuet sehinggo udi sanggup meding saro kute sesuaktau ngen sabar, senang atei

KOLOSE 1:11 ပူးပေါင်းရင်းမြစ်များ

KISAH RASUL-RASUL 1:8

Tapi udi bakea temimo kuaso amen Roh Sucai tu'un ngen udi, udi bakea jijai saksai-saksai-Ku neak Yerusalem ngen neak kute Yudea ngen Samaria sapei moi ujung bumai.”

KISAH RASUL-RASUL 5:41

Rasul-rasul o teminggea Mahkamah Agamo ngen riang sebab Allah bi manggap tobo'o patut utuk dapet hino kerno Yesus.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

1 KORINTUS 16:13

Lokba udi waspada ngen teguak lem idupnu sebagai tun Kristen. Betindakba seca'o binai ngen jijaiba kuet.

2 KORINTUS 4:7

Tapi hok rohani de baes o keme mbin pado dirai keme de coa bego yo de nea kunei pitok. Ngen awei o nyatoba bahwo laine kuaso o ade ngen Allah ngen iso ngen keme.

EFESUS 3:16

Uku bedu'o semoga Allah de maho mulio kemuet batinnu ngen Roh-Ne.

EFESUS 4:2

Lokba udi rendeak atei, lemah lembut, ngen sabar. Kentenba kasiaknu ngen saling temulung.

EFESUS 6:10

Akherne, lokba udi kuet neak lem Tuhan, neak lem kekuatan kuaso-Ne.

FILIFI 4:13

Ngen kuaso de nelei Kristus ngen uku, uku temuan kekuatan utuk madep kute mecem keadaan.

2 PETRUS 1:6

seluyen pengetahuan, udi harus kulo dapet kemuaso dirai. Ngen seluyen dapet kemuaso dirai lokba udi kulo mupuk dirai utuk tabah madep kute sesuaktau. Ngen seluyen tabah madep kute sesuaktau, udi harus kulo idup temurut kelok Allah.

YUDAS 1:25

Siba dedone Allah, Penyelamat ite liwet Yesus Kristus Tuhan ite. Siba Allah de mulio, agung, bekuaso ngen bewibawa sejak bel'o nien sapei uyo ngen utuk selamo-lamone! Amin.

WAHYU 14:12

Lem hal yo umat Allah de taat ngen periteak-periteak Allah de setia ngen Yesus, perlu jijai tabah.