KOLOSE 1:10 - JANJAI BLAU Lem Bahaso Jang Bebilai

¹⁰ Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

KOLOSE 1:10 ပူးပေါင်းရင်းမြစ်များ

YOHANES 15:16

Iso udi de miliak Uku, tapi Uku ba de miliak udi, Uku bi temtep udi, supayo udi lalau ngen asea buak de dau, supayo jano de udi minoi ngen Bapa lem gen-Ku neleine ngen udi.

YOHANES 15:8

Lem hal yo ba Bapa-Ku nujai, adeba amen udi bebuak dau ngen awei'o udi adeba penotoa-penotoa-Ku.”

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

ROMA 1:13

Saudaro-saudaro, uku lok, supayo udi namen, bahwo uku bi cet beniat utuk teko ngen udi – tapi sapei uyo ade bae halangan – kunyau neak tengeak-tengeak udi uku dapet aseane, awei kulo neak tengeak-tengeak bangso iso Yahudi de luyen.

ROMA 4:12

Si kulo jijai Bapa tun-tun de senunat, adeba tobo'o de iso cuma senunat, tapi kulo temotoa jejak imen Abraham, Bapa leluhur ite, pado maso si ati senunat.

ROMA 6:4

Ngen awei o ite bi kenubua besamo-samo Si ngen baptisan lem kematian, supayo, serai awei Kristus bi nidup igai kunei antaro tun matei ngen kemuliaan Bapa, awei o kulo ite bakea idup lem idup de blau.

2 KORINTUS 2:14

Tapi syukur ngen Allah! Si bogoa mipin keme neak dalen kemenangan Kristus. Allah makei keme supayo bito tetang Kristus tesebea awei aroma de um moi ipe bae.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

2 KORINTUS 5:9

Kerno o keme berusaho sungguak-sungguak utuk semnang atei-Ne, baik waktau keme masiak ade neak umeak keme neak yo, atau neak di.

2 KORINTUS 9:8

Allah bekuaso melei ngen udi berkat de kebiak dau, supayo udi temuan jano de udi perlu, bahkan udi bakea dapet lebiak utuk menea baik ngen beramal.

EFESUS 1:17

ngen minoi ngen Allah Tuhante Yesus Kristus, Bapa de mulio, supayo Si melei Roh-Ne ngen udi. Roh o bakea jemijai udi bijaksano, ngen bakea kemnal Allah ngen udi sehinggo udi kemnal Si.

EFESUS 2:10

Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

EFESUS 4:1

Sebab o, uku, tun de nasuk sel kerno Tuhan, melei nasihat ngen udi, supayo idupnu sesuoi ngen kedudukannu sebagoi tun de sudo nok Allah.

EFESUS 4:13

Ngen awei o ite kute jijai do ngen imen de serai ngen pengertian de serai tetang Anok Allah. Ngen ite jijai tun-tun lai de tambeak an tambeak sempurno awei Kristus.

EFESUS 5:10

berusahoba kemnal jano de semnang atei Tuhan.

EFESUS 5:15

Kerno o, kemliakba bebaik, awei ipe udi idup, jibeak awei tun bodong, tapi awei tun bijak.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

FILIFI 1:11

Idupnu bakea penuak ngen plep de sungguak-sungguak baik de cuma dapet kunei Yesus Kristus suang; mako Allah bakea dimuliakan ngen nujai.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

FILIFI 4:18

Uku bi temimo kutene – malah lebiak kunei cukup! Kute pelei de udi mbo ngen uku bi uku temimo kunei Epafroditus. Uyo uku temuan kute de uku perlu. Pelei-pelei kunei udi o adeba awei mbon um kunei kurban de nelei ngen Allah ngen de temimo Allah ngen riang atei.

KOLOSE 2:19

sehinggo coa igai bepegong pado Kristus de jijai pemipin. Neak beak pipinan Kristus, kute awok jenago ngen jenijai do ngen sendai-sendaine, serto idup temurut kelok Allah.

KOLOSE 2:6

Udi bi temimo Kristus Yesus, Tuhan ite. Kerno'o lokba idupnu tep neak lem Si.

KOLOSE 3:20

Hoi anok-anok! Taatba ngen tun tuainu lem kute hal, kerno do'oba de semnang atei Allah.

KOLOSE 4:5

Neak lem hubungan udi ngen tun-tun de coa pecayo, lokba udi idup bijaksana ngen makei tiep kesepatan ngen sebaik-baikne.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!

2 TIMOTIUS 2:4

Suang prajurit de gidong tugas, si bakea sibuk suang, sebab si lok semnang atei panglimane.

TITUS 3:1

Melei namen anggota jemaat-jemaatnu supayo tobo'o tunduk ngen pimipin-pemipin, penguaso negrai serto taat ngen besedio menea tiep hal de baik.

TITUS 3:14

Tun-tun ite harus belajea menea hal-hal de baik supayo dapet cemukup kebutuhan-kebutuhan; jibeak sapei tobo'o idup coa ade gunone.

IBRANI 11:5

Kerno imen, mako Henokh coa matei, tapi naket ngen nembin moi Allah. Coa suang kulo dapet temau si, sebab si sudo naket Allah. Lem Kiteb tetulis bahwo ayok Henokh naket, si semnang atei Allah.

IBRANI 13:16

Ingetba utuk menea baik ngen saling temulung, sebab dioba kurban-kurban de semnang atei Allah.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

2 PETRUS 1:8

Kutene o adeba sifet-sifet de udi perlu. Amen sifet-sifet o ade padonu ngen berlimpah-limpah, udi bakea jijai giat ngen berasea, ngen kemnal Yesus Kristus Tuhan ite ngen lebiak baik igai.

2 PETRUS 3:18

Lokba udi tambeak meding rahmat Yesus Kristus, Tuhan ngen Rajo Penyelamat ite, lokba udi kulo tambeak kemnal Si. Tepujaiba Si, uyo sapei selamo-lamone! Amin.

1 YOHANES 3:22

Ngen jano de ite minoi ngen Si, ite dapetne, kerno ite taat ngen periteak-periteak-Ne, menea jano de semnang atei-Ne.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.

3 YOHANES 1:6

Tobo'o bi melei saksai neak adep jemaat tetang kasih udi. Tulungba tobo'o supayo dapet temrus pemaneu tobo'o, ngen do ca'o de semnang atei Allah.