KISAH RASUL-RASUL 9:3 - JANJAI BLAU Lem Bahaso Jang Bebilai

³ Lem pemaneune moi Damsyik, ketiko si sudo pa'ok kota o, tetibo cahayo besinea kunei lenget kemliling Saulus.

KISAH RASUL-RASUL 9:3 ပူးပေါင်းရင်းမြစ်များ

KISAH RASUL-RASUL 22:6

“Tapi lem pemaneuku moi di, ketiko uku bi pa'ok Damsyik, kekiro tengeak bilai, seketiko'o ade cayo de te'ang kunei lenget kemliling uku.

KISAH RASUL-RASUL 9:17

Mako Ananias kulo lalau moi umeak o lajau meltok tangenne moi das Saulus. “Pasuak Saulus,” nadeak Ananias, “Tuhan Yesus de udi keliak neak tengeak dalen ketiko Pasuak gidong miyo, Siba de meluak uku teko supayo Pasuak nam kemliak igai, ngen penuak Roh Sucai.”

KISAH RASUL-RASUL 9:27

Sesudo'o Barnabas teko ngensi, lajau mbinne ngen rasul-rasul. Barnabas cemrito ngen tobo'o tetang aweiipe Saulus kemliak Tuhan neak tengeak dalen, aweiipe Tuhan miling ngensi. Barnabas melei namen kulo tetang aweiipe binaine Saulus majea neak Damsyik lem gen Yesus.

1 KORINTUS 15:8

Terakhir sekilai, Kristus kemten dirai ngen uku kulo – uku de awei cupik de laher coa pado waktaune!

1 KORINTUS 9:1

Uku tun bebas. Uku rasul. Jano uku ati perneak kemliak Yesus, Tuhan ite? Udi adeba asea kerjoku utuk Tuhan.

1 TIMOTIUS 6:16

Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

WAHYU 21:23

Kota o coa perlu cahayo matai bilai atau bulen, sebab kemulioan Allah tem'angne, ngen Anok Bebirai o adeba lapune.

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.