KISAH RASUL-RASUL 9:2 - JANJAI BLAU Lem Bahaso Jang Bebilai

² minoi su'et kuaso utuk nembin moi pemipin-pemipin umeak-umeak semyang tun Yahudi neak Damsyik, supayo amen si temmau neak di tun-tun de pecayo ngen Yesus, si dapet temakep tobo'o lajau mbin tobo'o moi Yerusalem.

KISAH RASUL-RASUL 9:2 ပူးပေါင်းရင်းမြစ်များ

MATIUS 10:17

Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

KISAH RASUL-RASUL 18:25

Si sudo temimo ajaran tetang ajaran Yesus. Ngen semangat si miling, ngen teliti si majea tetang Yesus, tapi si cuma namen baptisan Yohanes.

KISAH RASUL-RASUL 19:23

Kekiro pado waktau o tejijaiba huru hara lai tetang ajaran Yesus.

KISAH RASUL-RASUL 19:9

Tapi ade kekedau tun de telo ateine. Tobo'o coa lok pecayo, tapi mupet ajaran Yesus neak adep tun dau. Kerno'o Paulus teminggea tobo'o ngen cem'ei penotoa-penotoane kunei tobo'o, tiep bilai miling neak ruang kuliah Tiranus.

KISAH RASUL-RASUL 24:14

Tapi uku ngakau ngen ko bahwo uku nyembeak Allah ninik puyang keme temurut ajaran Yesus de tobo'o anggep saleak. Uku pecayo ngen kute sesuaktau de tetulis lem Hukum Taurat ngen lem Kiteb Nebai-nebai.

KISAH RASUL-RASUL 24:22

Tapi Feliks de benea-benea namen tetang ajaran Yesus, semlesei perkara tobo'o, Feliks madeak, “Sapeine kepalo pasukan Lisias neak yo, uku bakea mok putusan lem pekaronu.”

KISAH RASUL-RASUL 26:10

Hal o neaku kulo neak Yerusalem. Uku coa bae sudo mbin dau tun-tun de setia ngen Allah moi lem sel, sesudo uku dapet kuaso kunei imem-imem kepalo, tapi uku kulo tujau, amen tobo'o nukum matei.

KISAH RASUL-RASUL 26:12

“Ngen maksud do'oba kulo uku mbin su'et kuaso kunei imem-imem kepalo, lalau moi Damsyik.

KISAH RASUL-RASUL 6:9

Tapi ade tun-tun de temtang si; tobo'o adeba anggota-anggota umeak semyang de senbut Umeak Semyang Tun-tun Bebas. Anggota-anggota umeak semyang o adeba tun-tun Yahudi kunei Kirene ngen Aleksandria. Tobo'o ngen tun-tun Yahudi kunei Kilikia ngen Asia bedebat ngen Stefanus.

KISAH RASUL-RASUL 7:19

Rajo o meliam bangso ite ngen kejam te'adep ninik puyang ite. Si makso tobo'o de pei laher nuang, supayo bangso ite jibeak bekembang.

KISAH RASUL-RASUL 9:14

Igai kulo neak yo si temuan kuaso kunei imem-imem kepalo utuk temakep kute tun de menok gen-Nu.”

KISAH RASUL-RASUL 9:21

Kute tun selle temi'uk Saulus. Tobo'o madeak, “Tun yo neak Yerusalem sudo munuak kute tun de pecayo ngen Yesus. Si teko moi miyo kerno utuk temakep lajau mbin tobo'o moi adep imem-imem kepalo!”

2 KORINTUS 11:32

Waktau uku ade neak Damsyik, gubernur de bekuaso neak di neak beak pemeriteak Rajo Aretas, meluak tentra jago bang kota o utuk temakep uku.

GALATIA 1:17

Uku coa kulo lalau ngen tun-tun neak Yerusalem de sudo lebiak dute kunei uku jijai rasul. Tapi uku lalau moi negrai Arab, lajau neak di belek igai moi Damsyik.