KISAH RASUL-RASUL 8:3 - JANJAI BLAU Lem Bahaso Jang Bebilai

³ Tapi Saulus bogoa bae berusaho majua jemaat. Si lalau kunei umeak moi umeak ngen seme'et moi luea tun-tun masai, lajau mbin masuk tobo'o moi lem penjara.

KISAH RASUL-RASUL 8:3 ပူးပေါင်းရင်းမြစ်များ

KISAH RASUL-RASUL 16:19

Ketiko majikan-majikanne o kemliak bahwo harapan tobo'o utuk dapet asea bi nyep, tobo'o temakep Paulus ngen Silas, lajau me'et tobo'o moi pasar utuk madep paro penguaso.

KISAH RASUL-RASUL 22:19

Uku jemawab: ‘Tuhan, tobo'o namen bahwo uku bi masuk umeak-umeak semyang utuk makep tobo'o ngen mokoa tun-tun de pecayo ngen-Ko.

KISAH RASUL-RASUL 7:58

Tobo'o seme'et si moi luea kota sudo'o melukne ngen butau. Tun-tun de kemliak kejijai o temaruak keracok tobo'o pado suang tun uai genne Saulus.

KISAH RASUL-RASUL 8:2

Tun-tun saleh kemubua mayit Stefanus serto mindoine ngen kembiak.

KISAH RASUL-RASUL 9:21

Kute tun selle temi'uk Saulus. Tobo'o madeak, “Tun yo neak Yerusalem sudo munuak kute tun de pecayo ngen Yesus. Si teko moi miyo kerno utuk temakep lajau mbin tobo'o moi adep imem-imem kepalo!”

1 KORINTUS 15:9

Uku adeba rasul Tuhan de paling tembeak. Uku coa patut senbut rasul, sebab uku sudo semikso jemaat Allah.

GALATIA 1:13

Paset udi bi temi'uk tetang idupku bel'o sebagai suang penganut agamo Yahudi. Udi namen awei ipe kejamne uku menea jemaat Allah ngen awei ipe uku berusaho majuane.

FILIFI 3:6

Uku malah tambeak semangat sehinggo uku semikso jemaat. Amen kenliak kunei segi hukum agamo Yahudi, uku suang tun de baik de coa cacet.

1 TIMOTIUS 1:13

Kunyau bel'o uku fitneak ngen semikso serto mino Si. Tapi Allah mengasihi uku, kerno pado waktau o uku ati pecayo, jijai uku coa namen jano de uku nea.

YAKOBUS 2:6

Tapi udi malah mino tun peset, padahal tun-tun kayoba de temindes udi ngen mbin udi moi pengadilan!