KISAH RASUL-RASUL 8:12 - JANJAI BLAU Lem Bahaso Jang Bebilai

¹² Tapi uyo tobo'o pecayo ngen Filipus de melei namen Bito Baik tetang Allah meriteak sebagai Rajo, tetang gen Yesus Kristus, Tobo'o dibaptis, baik semanei kulo selawei.

KISAH RASUL-RASUL 8:12 ပူးပေါင်းရင်းမြစ်များ

KISAH RASUL-RASUL 2:38

Petrus jemawab, “Tobatba kunei duso-dusonu. Lokba tetiep udi baptis das gen Yesus Kristus, supayo duso-dusonu napun. Mako udi bakea temimo hadiah Roh Sucai kunei Allah.

KISAH RASUL-RASUL 1:3

Sesudo Si matei, selamo pat puluak bilai Si cet kemten dirai ngen ca'o tete'ang ngen rasul-rasul o bahwo Si benea-benea idup. Tobo'o kemliak Si, Si miling ngen tobo'o awei ipe Allah meriteak awei Rajo.

MATIUS 28:19

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah.

1 PETRUS 3:21

Nah, kejadian o adeba kiasan kunei baptisan de uyo yo semlamat udi. Baptisan yo iso suaktau upacara semucai awok kunei kute de ngei, meluyen adeba janjainu ngen Allah kunei atei nurani de baik. Baptisan o semlamat udi kerno Yesus Kristus bi idup igai kunei matei,

KISAH RASUL-RASUL 2:41

Tun-tun de temimo kecekne o neak baptis ngen pado bilai o jumlah tobo'o betambeak kekiro telau ribau jiwo.

GALATIA 3:28

Lem hal yo coa ade tun Yahudi atau tun iso Yahudi, coa ade hamba atau tun merdeka, coa ade semanei atau selawei, kerno udi kute adeba do neak lem Kristus Yesus.

ROMA 10:10

Kerno ngen atei tun pecayo ngen benea, ngen bibia tun ngakau ngen senlamat.

1 KORINTUS 11:11

Kunyau awei'o lem kehidupan ite sebagai tun Kristen, selawei coa idup utuk diraine suang, lepas kunei semanei, ngen semanei kulo coa nam idup suang, lepas kunei selawei.

KISAH RASUL-RASUL 28:31

Ngen binai si melei namen ngen tobo'o tetang awei ipe Allah meriteak sebagoi Rajo ngen tetang Tuhan Yesus Kristus.

KISAH RASUL-RASUL 20:25

Uku bi magea udi kutene ngen bi melei namen kulo tetang awei ipe Allah meriteak sebagoi Rajo. Uyo uku meding coa bakea temau igai ngen udi.

KISAH RASUL-RASUL 20:21

Baik ngen tun-tun Yahudi atau tun-tun bangso luyen uku bogoa melei peringatan supayo tobo'o tobat kunei duso-duso tobo'o, teko ngen Allah, serto pecayo ngen Tuhan Yesus.

KISAH RASUL-RASUL 18:8

Tapi Krispus, pemipin umeak semyang o, jijai pecayo ngen Tuhan besamo-samo ngen kute si'ing umeakne, dau kunei tun-tun Korintus, de temi'uk bito de senapei Paulus, jijai pecayo ngen dibaptis.

KISAH RASUL-RASUL 11:20

Tapi, neak antaro tobo'o ade kekedau tun Siprus ngen tun Kirene de sapei neak Antiokhia, madeak kulo nge tun-tun makei bahaso Yunani ngen melei namen tetang Tuhan Yesus.

KISAH RASUL-RASUL 5:14

Goyo an goyo betambeakba jumlah tun de pecayo ngen Tuhan, baik semanei jano selawei.

LUKAS 9:60

Tapi Yesus madeak magea si, “Kunyauba tun matei kenubua tun matei. Tapi kumu, lalauba ngen melei namen bahwo Allah meriteak sebagai Rajo neak ipe-ipe.”

LUKAS 9:2

Sesudo'o Si meluak tobo'o lalau kema'en tun bolon ngen semiar bito tetang awei ipe Allah meriteak sebagai Rajo.

KISAH RASUL-RASUL 8:4

Tun-tun pecayo de sudo tesebea o melei namen Bito Baik kunei Allah o moi ipe-ipe.

KISAH RASUL-RASUL 19:5

Waktau tobo'o temi'uk hal'o, tobo'o dibaptis lem gen Tuhan Yesus.