KISAH RASUL-RASUL 6:9 - JANJAI BLAU Lem Bahaso Jang Bebilai

⁹ Tapi ade tun-tun de temtang si; tobo'o adeba anggota-anggota umeak semyang de senbut Umeak Semyang Tun-tun Bebas. Anggota-anggota umeak semyang o adeba tun-tun Yahudi kunei Kirene ngen Aleksandria. Tobo'o ngen tun-tun Yahudi kunei Kilikia ngen Asia bedebat ngen Stefanus.

KISAH RASUL-RASUL 6:9 ပူးပေါင်းရင်းမြစ်များ

MATIUS 10:17

Bejago-jago sebab udi bakea tenakep lajau senreak ngen pengadilan agamo tun Yahudi. Tobo'o bakea semikso udi neak umeak-umeak semyang tobo'o.

MATIUS 23:34

Ti'ukba baik-baik: uku bakea mbo ngen ko nebai-nebai, tun-tun pacok ngen gu'au-gu'au, pao kunei tobo'o bakea udi munuak ngen udi semalib. Ade de bakea udi semikso neak lem umeak-umeak semyangnu ngen udi jemalang-jemalang kunei do kota moi kota de luyen.

MATIUS 27:32

Neak tengeak dalen, tobo'o temau ngen suang tun kunei Kirene genne adeba Simon. Tobo'o makso tun'o musung salib Yesus.

MARKUS 13:9

Tapi udi yo, atei-ateiba! Udi bakea senereak ngen majelis agamo ngen udi bakea nokoa neak umeak semyang. Ngen bakea nadep ngen tobo gubernur ngen tobo rajo kerno Uku, sebagoi saksai bagiak tobo'o.

LUKAS 21:12

Tapi ayok kutene o udi bakea tenakep ngen senikso; udi bakea senreak moi umeak-umeak semyang ngen penjara-penjara, ngen udi bakea nadep ngen rajo-rajo ngen penguaso-penguaso kerno gen-Ku.

KISAH RASUL-RASUL 11:20

Tapi, neak antaro tobo'o ade kekedau tun Siprus ngen tun Kirene de sapei neak Antiokhia, madeak kulo nge tun-tun makei bahaso Yunani ngen melei namen tetang Tuhan Yesus.

KISAH RASUL-RASUL 13:1

Pado waktau'o lem jemaat neak Antiokhia ade kekedau nebai ngen pengajea, adeba: Barnabas ngen Simeon de senbut Niger, ngen Lukius tun Kirene, ngen Menahem de nasuh besamo ngen rajo Wilayah Herodes, ngen Saulus.

KISAH RASUL-RASUL 13:45

Tapi waktau tun Yahudi kemliak tun dau'o, penuakba tobo'o ngen kidek atei samo mino, tobo'o bateak jano de nadeak Paulus.

KISAH RASUL-RASUL 15:23

Ngen tobo'o senreak su'et de sa'eine, “Salam kunei rasul-rasul ngen pemipin-pemipin, kunei pasuak-pasuaknu ngen pasuak-pasuak neak Antiokhia, Siria ngen Kilikia de asal kunei bangso-bangso luyen.

KISAH RASUL-RASUL 15:41

Berakatba si kemliling Siria ngen Kilikia samo kemu'et jemaat-jemaat neak di.

KISAH RASUL-RASUL 16:6

Tobo'o melitas taneak Frigia ngen taneak Galatia, kerno Roh Sucai temgeak tobo'o utuk melei namen Bito Baik neak Asia.

KISAH RASUL-RASUL 18:24

Sementaro'o tekoba moi Efesus suang Yahudi genne Apolos. Si asalne kunei Aleksandria. Si pacok miling ngen kebiak paham tetang Kiteb Sucai.

KISAH RASUL-RASUL 19:10

Hal yo neane selamo duai taun, sehinggo kute penduduk Asia temi'uk firman Tuhan, baik tun Yahudi atau tun Yunani.

KISAH RASUL-RASUL 19:26

Uyo udi suang kemliak ngen temi'uk, awei ipe Paulus, iso bae neak Efesus, tapi kulo gesea neak kute Asia bi mbujuk ngen semset dau tun ngen madeak bahwo jano de nea tangen manusio isoba diwo.

KISAH RASUL-RASUL 21:27

Ketiko maso tujuak bilai o bi lok berakher, tun-tun Yahudi de teko kunei Asia, kemliak Paulus neak lem Bait Allah, lajau tobo'o majung rakyat ngen temakep si,

KISAH RASUL-RASUL 21:39

Paulus jemawap, “Uku adeba tun Yahudi, kunei Tarsus, tun kunei kota de terkenal neak Kilikia; uku minoi, supayo uku neluak miling ngen tun dau o.”

KISAH RASUL-RASUL 22:19

Uku jemawab: ‘Tuhan, tobo'o namen bahwo uku bi masuk umeak-umeak semyang utuk makep tobo'o ngen mokoa tun-tun de pecayo ngen-Ko.

KISAH RASUL-RASUL 22:3

Si madeak, “Uku adeba tun Yahudi, laher neak Tarsus neak taneak Kilikia, tapi lai neak kota yo; ndidik ngen teliti neak beak pipinan Gamaliel lem hukum ninik puyang te, sehinggo uku jijai tun de giat kerjo utuk Allah serai awei udi kute pado waktau yo.

KISAH RASUL-RASUL 23:34

Sesudo'o gubernur mbaco su'et'o, si betanye ngen Paulus kunei ipe asalne. Ketiko si namen bahwo Paulus asalne kunei Kilikia.

KISAH RASUL-RASUL 24:18

Sementaro uku menea kutene o, kekedau tun Yahudi kunei Asia temau uku neak lem Bait Allah, sesudo uku selsei semucai diraiku, coa ade tun dau ngen coa ade keributan.

KISAH RASUL-RASUL 26:11

Neak lem umeak-umeak semyang uku awit semikso tobo'o ngen makso tobo'o utuk muker kepercayaanne. Kebiak panes ateiku teadep tobo'o sapei uku jemalang tobo'o, bahkan sapei moi kota-kota luyen.”

KISAH RASUL-RASUL 6:10

Tapi tobo'o coa nam melawen jano de nadeak Stefanus, kerno Roh Sucai melei ngen si kebijaksanaan utuk miling.

1 KORINTUS 1:20

Kerno'o, jano gunone tun-tun arif'o? Jano gunone tobo'o de temuan lemau? Jano gunone ahli-ahli peker dunio yo? Allah bi menea hikmat dunio yo jijai kebodohan?

GALATIA 1:21

Sesudo'o uku lalau moi daerah-daerah Siria ngen Kilikia.