KISAH RASUL-RASUL 5:34 - JANJAI BLAU Lem Bahaso Jang Bebilai

³⁴ Tapi neak antaro anggota-anggota mahkamah o ade suang Farisi genne Gamaliel. Si gu'au agamo de kembiak kute tun hormat. Si je lajau meluak tun mbin moi luea rasul-rasul o tegoa.

KISAH RASUL-RASUL 5:34 ပူးပေါင်းရင်းမြစ်များ

LUKAS 2:46

Sesudo telau bilai mesoa, tobo'o temmau Si neak lem Umeak Tuhan. Si gidong temot temi'uk paro gu'au agamo temnai ngen tobo'o.

LUKAS 5:17

Pado waktau Yesus gidong majea, ade kekedau tun Farisi ngen gu'au-gu'au agamo temot neak di. Tobo'o teko kunei Yerusalem, ngen kunei kota-kota neak Galilea ngen Yudea. Kuaso Tuhan ade pado Yesus utuk kema'en tun-tun bolon.

YOHANES 3:10

Jawab Yesus, “Ko gu'au tun Israel, maso ko coa ngertai hal-hal'o?

KISAH RASUL-RASUL 22:3

Si madeak, “Uku adeba tun Yahudi, laher neak Tarsus neak taneak Kilikia, tapi lai neak kota yo; ndidik ngen teliti neak beak pipinan Gamaliel lem hukum ninik puyang te, sehinggo uku jijai tun de giat kerjo utuk Allah serai awei udi kute pado waktau yo.

KISAH RASUL-RASUL 4:15

Mako tobo'o meluak keduai rasul o keluea kunei ruang sidang, sesudo'o tobo'o berunding.

KISAH RASUL-RASUL 5:21

Mako rasul-rasul o temotoa pesen malaikat o. Kekabuk nien tobo'o lalau moi Bait Allah ngen muloi ngajea neak di. Sementaro Imem Lai ngen tobo penotoane teko, lajau menea sidang mahkamah ngen tobo pemipin Yahudi. Sesudo'o tobo'o meluak tun lalau mok rasul-rasul o kunei sel utuk nembin madep tobo'o.

KISAH RASUL-RASUL 5:27

Tobo'o mbin rasul-rasul o ngen madep tobo'o ngen mahkamah agamo. Lajau Imem Lai muloi temanye tobo'o.

KISAH RASUL-RASUL 5:35

Sesudo'o si madeak ngen Mahkamah Agamo o, “Udi tun-tun Israel! Pekerba baik-baik tetang jano de bakea udi menea te'adep tun-tun yo.