KISAH RASUL-RASUL 5:16 - JANJAI BLAU Lem Bahaso Jang Bebilai

¹⁶ Tun dau neak kota-kota neak rogok Yerusalem teko dedau serto mbin tun-tun de pasuk roh kidek. Ngen tun-tun o kena'en kutene.

KISAH RASUL-RASUL 5:16 ပူးပေါင်းရင်းမြစ်များ

MATIUS 2:16

Tiko Herodes namen tun-tun pacok lemau bitang'o kunei timur nikene, Herodes kembiak mengiak. Si meluak munuak kute anok-anok semanei de be omor duai taun mimbeak neak kota Betlehem ngen biding-bidingne. Hal'o pas ngen jano de nadeak tun pacok lemau bitang ngen si, tetang bitang'o timboa.

MATIUS 4:24

Tun-tun dau muloi temi'uk tetang Yesus. Neak kute negrai Syria. Tobo'o nembin tun-tun de derito kute mecem olon, Yesus kemaen kute tun de pasuk semat, gilo bukei ngen de pakuak.

MATIUS 8:16

Tiko waktau lok kelemen, tun-tun nembin ngen Yesus dau tun-tun de nasuk Iblis. Yesus musir roh-roh'o ngen kulo kema'en kute tun-tun de bolon ngen Firman-Ne.

LUKAS 5:17

Pado waktau Yesus gidong majea, ade kekedau tun Farisi ngen gu'au-gu'au agamo temot neak di. Tobo'o teko kunei Yerusalem, ngen kunei kota-kota neak Galilea ngen Yudea. Kuaso Tuhan ade pado Yesus utuk kema'en tun-tun bolon.

LUKAS 6:18

Tobo'o teko utuk temi'uk Si ngen utuk kena'en kunei olon tobo'o; kulo tobo'o de nasuk roh-roh kidek dapet ka'en.

LUKAS 9:11

Tapi ketiko tun-tun namen tetang hal o, tobo'o temotoa Yesus. Si temimo tobo'o, lajau miling ngen tobo'o tetang awei ipe Allah meriteak sebagai Rajo. Ngen Si kulo kema'en tun bolon neak antaro tobo'o.

YOHANES 14:12

Sesungguakne Uku madeak ngen udi: Api bae de pecayo ngen Uku, si bakea menea kulo kerjo-kerjo de Uku menea, bahkan kerjo-kerjo de lebiak lai kunei o. Sebab Uku lalau ngen Bak.

KISAH RASUL-RASUL 4:30

Nuluakba tangen-Nu utuk kema'en tun, ngen nadeba tando-tando ngen mujizat-mujizat lem gen Yesus, Hambo-Nu de sucai.”

KISAH RASUL-RASUL 5:15

Tobo'o mbin tun-tun bolon moi luea, moi dalen lai, gemulingne neak das penan tidua ngen neak tikea, supayo amen Petrus liwet, tobo'o paling didikne nam keno bayangan Petrus.

KISAH RASUL-RASUL 5:17

Akherne Imem Lai ngen kute tun penotoa-penotoane, adeba golongan tun-tun Saduki, muloi betindak kerno tobo'o iri atei.

1 KORINTUS 12:9

Roh de do o kulo melei ngen tu de do, kemampuan de luea biaso utuk pecayo ngen Kristus; tapi ngen de luyen Roh melei kuaso utuk kema'en tun.

YAKOBUS 5:16

Sebab o, lokba udi makau saleak ngen saling demu'o, supayo udi kenaen. Du'o tun de temurut kelok Allah, temuan kuaso de lai.