KISAH RASUL-RASUL 4:32 - JANJAI BLAU Lem Bahaso Jang Bebilai

³² Kute tun de pecayo o idup do atei ngen do jiwo. Coa suang kulo kunei tobo'o manggap bahwo de temuanne adeba temuanne suang. Kute de ade ngen tobo'o, tobo'o makei sesamo.

KISAH RASUL-RASUL 4:32 ပူးပေါင်းရင်းမြစ်များ

1 KORINTUS 1:10

Saudaro-saudaro! Das gen Tuhante Yesus Kristus, uku minoi supayo udi kutene do atei; supayo jibeak ade selisiak neak antaro udi. Lokba udi jijai do, do atei ngen do pekeran.

1 PETRUS 3:8

Kesimpulanne adeba: lokba Saudaro-saudaro do atei ngen do perasaan. Lokba udi saling sayang menyayangi awei tun-tun de bersaudaro. Ngen lokba udi berbelaskasihan ngen bersikap rendak atei.

2 KORINTUS 13:11

Akhirne, Saudaro-saudaroku, lokba udi riang, berusahoba jijai sempurno. Temimoba kute nasihat uku. Lokba udi do atei ngen idup rukun; mako Allah, sumber kasih ngen damoi sejahtera bakea semerto udi!

KISAH RASUL-RASUL 2:1

Waktau sapei bilai Pentakosta, tobo'o kute bekopoa neak do penan.

FILIFI 1:27

Nah, de peting uyo adeba bahwo udi idup sesuoi ngen jano de tenuntut Bito Baik tetang Kristus o. Ngen awei o, teak uku dapet temau ngen ko jano coa, uku bakea temi'uk bahwo udi tep jijai do ngen berjuang besamo-samo utuk do maksud ngen do kelok; adeba utuk kepercayaan de sesuoi ngen Bito Baik kunei Allah o.

KISAH RASUL-RASUL 1:14

Tobo'o kutene tekun ngen do atei lem du'o sesamo. Kekedau selawei serto Maria, indok Yesus ngen pasuak Yesus bedu'o sesamo tobo'o.

YOHANES 17:11

Uku coa ade igai neak lem dunio, tapi tobo'o masiak ade neak lem dunio, Uku teko ngen Ko. Au Bapa de sucai, jagoba tobo'o lem gen-Nu, adeba gen-Nu de sudo Ko melei ngen-Ku, supayo tobo'o jijai do serai awei ite.

1 PETRUS 4:11

Tun de semapei bito, harusba semapei bito kunei Allah; tun de mlelayan tun luyen, harusba mlayan ngen kekuatan de kunei Allah, supayo lem kute hal, Allah dapet diagungkan liwet Yesus Kristus. Siba de bekuaso ngen patut diagungkan utuk selamo-lamone. Amin.

ROMA 12:5

Awei o kulo ite, kunyau dau, adeba do awok neak lem Kristus; tapi ite masing-masing adeba anggota de su'ang ngen de luyen.

KISAH RASUL-RASUL 5:12

Dau tando ngen mujizat de nea rasul-rasul neak antaro tun dau. Kute tun pecayo bogoa kopoa neak latet Salomo lem Bait Allah.