KISAH RASUL-RASUL 3:16 - JANJAI BLAU Lem Bahaso Jang Bebilai

¹⁶ Kerno kepercayaan ngen Gen Yesus, mako Gen o kemuet tun de udi kemliak ngen kemnal yo; kepercayaan o bi melei tun yo ka'en neak adep udi kutene.

KISAH RASUL-RASUL 3:16 ပူးပေါင်းရင်းမြစ်များ

MATIUS 14:29

“Tekoba!” Yesus jemawab. Lajau Petrus tu'un kunei biduk, paneu neak das bioa ngen teko ngen Yesus.

MATIUS 9:22

Tiko'o Yesus jemling ngen dem'nong selawei'o lajau madeak ngen si, “Tabahba anok-Ku! Kerno udi percayo ngen-Ku, udi ka'en!” Pado waktau'o kulo selawei'o ka'en.

YOHANES 14:12

Sesungguakne Uku madeak ngen udi: Api bae de pecayo ngen Uku, si bakea menea kulo kerjo-kerjo de Uku menea, bahkan kerjo-kerjo de lebiak lai kunei o. Sebab Uku lalau ngen Bak.

YOHANES 7:23

Amen suang tun temimo sunat pado bilai Sabat, supayo ukum Musa jibeak nelanggea, getai udi mengiak ngen Uku, kerno Uku kema'en kute awok suang tun pado bilai Sabat.

KISAH RASUL-RASUL 14:9

Si temi'uk Paulus gidong miling. Paulus kemliak bahwo si tun pecayo ngen dapet kena'en.

KISAH RASUL-RASUL 16:18

Hal o neane selamo kekedau bilai. Tapi waktau Paulus coa taen igai ngen gangguan o, si bepaling madeak ngen roh o, “Lem gen Yesus Kristus uku meluak ko keluea kunei selawei yo.” Seketiko o kulo kelueaba roh o.

KISAH RASUL-RASUL 3:6

Tapi Petrus madeak, “Mas ngen pirok coa ade ngen uku, tapi jano de uku temuan, uku nelei ngenko: Ngen kuaso Yesus Kristus tun Nazaret o, paneuba!”

KISAH RASUL-RASUL 3:8

Si melupat je lajau paneu moi ipe bae ngen temotoa tobo'o moi lem Bait Allah, samo paneu ngen melupat-lupat serto mujai Allah.

KISAH RASUL-RASUL 4:10

udi kutene arus namen ngen kute bangso Israel kulo arus namen bahwo lem Yesus Kristus, tun Nazaret, de sudo udi semalib, tapi de sudo midup igai ngen Allah kunei antaro tun matei bahwo kerno Yesus o ba tun yo je lem keadaan ka'en uyo neak adep udi.

KISAH RASUL-RASUL 4:30

Nuluakba tangen-Nu utuk kema'en tun, ngen nadeba tando-tando ngen mujizat-mujizat lem gen Yesus, Hambo-Nu de sucai.”

KISAH RASUL-RASUL 4:7

Lajau Petrus ngen Yohanes nadep moi sidang o ngen muloi nerikso ngen pertanyaan yo, “Ngen kuaso ipe jano lem gen api ko menea hal o?”

ROMA 3:22

adeba kebenaran Allah kerno imen lem Yesus Kristus utuk kute tun de pecayo. Sebab coa ade bedane.

1 KORINTUS 13:2

Kunyau uku pacok semapei bito kunei Allah, ngen ngertai kute hal de saro, ngen namen kutene serto kembiak pecayo ngen Allah sehinggo dapet maliak tebo, tapi uku coa kemasiak tun-tun luyen, mako uku coa ade taine!