KISAH RASUL-RASUL 27:3 - JANJAI BLAU Lem Bahaso Jang Bebilai

³ Menne keme singgeak neak Sidon. Yulius melayan Paulus ngen baik sekilai, neluakne Paulus magea kekuatne, supayo tobo'o dapet melei keperluan Paulus.

KISAH RASUL-RASUL 27:3 ပူးပေါင်းရင်းမြစ်များ

MATIUS 11:21

“Celako ko, Korazim! Ngen celako kulo, Betsaida! Seandaine mujizat-mujizat de nea neak antaronu sudo menea neak Tirus ngen Sidon, sahe tun-tun neak di bi an betobat kunei duso-duso tobo'o ngen makei keracok duko serto mpek abau moi das ulau.

KISAH RASUL-RASUL 12:20

Herodes kebiak mengiak teadep tun Tirus ngen Sidon. Das sepakat besamo tobo'o lalau madep si. Tobo'o berasea mbujuk Blastus, tukang murus umeak tanggo rajo, moi pihok tobo'o, lajau tobo'o minoi damoi, kerno negrai tobo'o dapet bahan kembuk kunei wilayah rajo.

KISAH RASUL-RASUL 24:23

Lajau si meluak perwira o tep temaen Paulus, tapi tahanan lengan, ngen coa buliak temgeak suang kulo kunei kekuatne melayan si.

KISAH RASUL-RASUL 27:1

Sesudo tentau bahwo keme bakea belayea moi Italia, mako Paulus ngen kekedau tun tahanan luyen senreak ngen suang perwira genne Yulius kunei pasukan Kaisar.

KISAH RASUL-RASUL 27:43

Tapi perwira o lok semlamat Paulus. Kerno o si temgeak tobo'o kemerjo niatne ngen melei periteak, supayo tun-tun de pacok berenang lebiak dute tejun moi laut ngen kenek moi da'et,

KISAH RASUL-RASUL 28:16

Sesudo keme sapei neak Roma, Paulus neluak tinggea neak debuak umeak suang dirai. Paulus jenago suang prajurit.