KISAH RASUL-RASUL 22:3 - JANJAI BLAU Lem Bahaso Jang Bebilai

³ Si madeak, “Uku adeba tun Yahudi, laher neak Tarsus neak taneak Kilikia, tapi lai neak kota yo; ndidik ngen teliti neak beak pipinan Gamaliel lem hukum ninik puyang te, sehinggo uku jijai tun de giat kerjo utuk Allah serai awei udi kute pado waktau yo.

KISAH RASUL-RASUL 22:3 ပူးပေါင်းရင်းမြစ်များ

LUKAS 10:39

Selawei o temuan suang pasuak de genne Maria. Maria yo temot pa'ok kekea Tuhan Yesus ngen bogoa temi'uk kecek-kecek-Ne.

LUKAS 2:46

Sesudo telau bilai mesoa, tobo'o temmau Si neak lem Umeak Tuhan. Si gidong temot temi'uk paro gu'au agamo temnai ngen tobo'o.

LUKAS 8:35

Lajau tun-tun keluea utuk kemliak jano de tejijai. Tobo'o teko ngen Yesus, neak di tobo'o temau tun de sudo telepas kunei roh-roh kidek o gidong temot pa'ok kekea Yesus. Si sudo makei bajau ngen pekeranne sudo ka'en. Tobo'o jijai saben.

KISAH RASUL-RASUL 11:25

Sesudo'o, lalauba Barnabas moi Tarsus utuk mesoa Saulus; sesudo temau ngen si, si mbinne moi Antiokhia.

KISAH RASUL-RASUL 15:23

Ngen tobo'o senreak su'et de sa'eine, “Salam kunei rasul-rasul ngen pemipin-pemipin, kunei pasuak-pasuaknu ngen pasuak-pasuak neak Antiokhia, Siria ngen Kilikia de asal kunei bangso-bangso luyen.

KISAH RASUL-RASUL 15:41

Berakatba si kemliling Siria ngen Kilikia samo kemu'et jemaat-jemaat neak di.

KISAH RASUL-RASUL 21:20

Sesudo temi'uk cerito Paulus'o, tobo'o kutene mujai Allah. Lajau tobo'o madeak ngen Paulus, “Paulus, keliakba, beribau-ribau tun Yahudi bi pecayo ngen Yesus kute setia miaro Hukum Taurat.

KISAH RASUL-RASUL 21:39

Paulus jemawap, “Uku adeba tun Yahudi, kunei Tarsus, tun kunei kota de terkenal neak Kilikia; uku minoi, supayo uku neluak miling ngen tun dau o.”

KISAH RASUL-RASUL 23:34

Sesudo'o gubernur mbaco su'et'o, si betanye ngen Paulus kunei ipe asalne. Ketiko si namen bahwo Paulus asalne kunei Kilikia.

KISAH RASUL-RASUL 23:6

Kerno Paulus namen bahwo pa'o kunei tobo'o tun Saduki ngen pa'o tun Farisi, si menggang lem Mahkamah Agamo, “Pasuak-pasuak uku adeba tun Farisi, royot tun Farisi; uku nadep moi mahkamah yo, kerno uku lok tun matei idup igai.”

KISAH RASUL-RASUL 26:5

Bi an tobo'o kemnal uku, sekirone tobo'o lok, tobo'o nam saksai bahwo uku bi idup sebagoi tun Farisi temurut aturanne de kebiak ketat neak lem agamo te.

KISAH RASUL-RASUL 26:9

Awei ipe kulo, uku suang perneak sako bahwo uku harus betindak teges utuk temtang Yesus kunei Nazaret o.

KISAH RASUL-RASUL 5:34

Tapi neak antaro anggota-anggota mahkamah o ade suang Farisi genne Gamaliel. Si gu'au agamo de kembiak kute tun hormat. Si je lajau meluak tun mbin moi luea rasul-rasul o tegoa.

KISAH RASUL-RASUL 6:9

Tapi ade tun-tun de temtang si; tobo'o adeba anggota-anggota umeak semyang de senbut Umeak Semyang Tun-tun Bebas. Anggota-anggota umeak semyang o adeba tun-tun Yahudi kunei Kirene ngen Aleksandria. Tobo'o ngen tun-tun Yahudi kunei Kilikia ngen Asia bedebat ngen Stefanus.

KISAH RASUL-RASUL 9:1

Sementaro o atei Saulus masiak bae lok macam, munuak murid-murid Tuhan Yesus. Si madep Imem Lai,

KISAH RASUL-RASUL 9:11

Tuhan madeak, “Maro berakat uyo. Lalauba moi umeak Yudas neak Dalen Lu'us. Tanye neak di tun de genne Saulus de asalne kunei kota Tarsus. Tun o gidong bedu'o,

KISAH RASUL-RASUL 9:30

Ketiko tun-tun pecayo luyenne namen tetang hal o, tobo'o mbin Saulus moi Kaisarea, sesudo'o mbo si moi Tarsus.

ROMA 11:1

Mako uku betanye: Jano mukin Allah bi coa temimo umat-Ne? Coa samo sekilai! Kerno uku su'ang kulo tun Israel, kunei royot Abraham, kunei sukau Benyamin.

2 KORINTUS 11:22

Jano tobo'o tun Ibrani? Uku kulo tun Ibrani! Jano tobo'o tun Israel? Uku kulo tun Israel. Jano tobo'o tembo Abraham? Uku kulo tembo Abraham!

GALATIA 1:14

Neak lem hal maneu agamo Yahudi kulo uku uak lebiak maju kunei dau kuat de bayeakku neak antaro bangsoku, sebagoi tun de kebiak rajin miaro adat istiadat ninik puyangku.

GALATIA 1:21

Sesudo'o uku lalau moi daerah-daerah Siria ngen Kilikia.