KISAH RASUL-RASUL 21:3 - JANJAI BLAU Lem Bahaso Jang Bebilai

³ Sesudo'o keten Siprus neak peak kideu, tapi keme liwetne lajau lalau moi Siria. Akherne sapeiba keme neak Tirus, kerno muatan kepea harus nukea neak kota o.

KISAH RASUL-RASUL 21:3 ပူးပေါင်းရင်းမြစ်များ

KISAH RASUL-RASUL 27:4

Kunei di keme temrus pemaneu, kerno ibut balawen arah ngen arah kepea, keme belayea te'us liwet pantai Siprus.

KISAH RASUL-RASUL 21:16

Besamo-samo ngen keme milau kulo kekedau penotoa kunei Kaisarea. Tobo'o mbin keme moi umeak suang tun genne Manason. Si kunei Siprus ngen bi an jijai penotoa Yesus. Keme bakea nupang neak umeakne.

KISAH RASUL-RASUL 12:20

Herodes kebiak mengiak teadep tun Tirus ngen Sidon. Das sepakat besamo tobo'o lalau madep si. Tobo'o berasea mbujuk Blastus, tukang murus umeak tanggo rajo, moi pihok tobo'o, lajau tobo'o minoi damoi, kerno negrai tobo'o dapet bahan kembuk kunei wilayah rajo.

KISAH RASUL-RASUL 4:36

Awei o kulo ngen Yusuf, rasul-rasul madeak si Barnabas, taine anok penghibur, suang Lewi kunei Siprus.

MATIUS 4:24

Tun-tun dau muloi temi'uk tetang Yesus. Neak kute negrai Syria. Tobo'o nembin tun-tun de derito kute mecem olon, Yesus kemaen kute tun de pasuk semat, gilo bukei ngen de pakuak.

KISAH RASUL-RASUL 18:18

Paulus tinggea kekedau bilai igai neak Korintus. Lajau si pamit ngen tun-tun de pecayo neak di, ngen belayea moi Siria, sesudo si metok bukne neak Kengkrea, kerno si bi janjai. Priskila ngen Akwila semerto si.

KISAH RASUL-RASUL 15:41

Berakatba si kemliling Siria ngen Kilikia samo kemu'et jemaat-jemaat neak di.

KISAH RASUL-RASUL 15:39

Hal o jijai tekea, sehinggo tobo'o pisah, Barnabas mbin Markus kulo belayea moi Siprus.

KISAH RASUL-RASUL 15:23

Ngen tobo'o senreak su'et de sa'eine, “Salam kunei rasul-rasul ngen pemipin-pemipin, kunei pasuak-pasuaknu ngen pasuak-pasuak neak Antiokhia, Siria ngen Kilikia de asal kunei bangso-bangso luyen.

KISAH RASUL-RASUL 13:4

Kerno nelueak Roh Sucai, Barnabas ngen Saulus berakat moi Seleukia, kunei di tobo'o belayea moi puleu Siprus.

KISAH RASUL-RASUL 11:19

Sementaro'o dau tun de tesebea kerno penganiayaan de timboa sesudoh Stefanus matei. Tobo'o tesebea sapei moi Fenisia, Siprus ngen Antiokhia; tapi tobo'o melei namen Bito Baik ngen tun Yahudi bae.

LUKAS 10:13

“Celakoba udi Khorazim! Celakoba udi Betsaida! Kerno amen neak Tirus ngen neak Sidon tejijai mujizat-mujizat de bi tejijai neak tengeak-tengeak udi, sudo an tobo'o betobat kunei duso-duso tobo'o, ngen makei bajau bekabung serto mpek abau neak das ulau tobo'o.

LUKAS 2:2

Dioba sensus de pertamo kilai nea waktau Kirenius jijai Gubernur neak negrai Siria.

MATIUS 11:21

“Celako ko, Korazim! Ngen celako kulo, Betsaida! Seandaine mujizat-mujizat de nea neak antaronu sudo menea neak Tirus ngen Sidon, sahe tun-tun neak di bi an betobat kunei duso-duso tobo'o ngen makei keracok duko serto mpek abau moi das ulau.

KISAH RASUL-RASUL 21:2

Neak Patara keme temau kepea, de lok nyeb'ang moi Fenisia. Keme kenek kepea o, lajau berakat.

KISAH RASUL-RASUL 21:7

Kunei Tirus keme sapei neak Ptolemais ngen neak di berakherba pemaneu keme. Keme melei salam ngen pasuak-pasuak de pecayo, tinggea debilai neak antaro tobo'o.