KISAH RASUL-RASUL 20:3 - JANJAI BLAU Lem Bahaso Jang Bebilai

³ Telau bulen anne si tinggea neak di. Lajau ketiko si dong siap-siap utuk belayea moi Siria, ade bito bahwo tun-tun Yahudi dong sepakat utuk munuakne. Kerno'o si melei keputusan utuk belek liwet Makedonia.

KISAH RASUL-RASUL 20:3 ပူးပေါင်းရင်းမြစ်များ

MATIUS 4:24

Tun-tun dau muloi temi'uk tetang Yesus. Neak kute negrai Syria. Tobo'o nembin tun-tun de derito kute mecem olon, Yesus kemaen kute tun de pasuk semat, gilo bukei ngen de pakuak.

KISAH RASUL-RASUL 16:12

neak di keme moi Filifi, kota pertamo neak bagian Makedonia yo, suaktau kota penan meratau tun Roma. Neak kota o keme tinggea kekedau bilai.

KISAH RASUL-RASUL 16:9

Kelmenne ketenba ngen Paulus suaktau pengeliak: Ade suang tun Makedonia je neak di ngen minoi ngen si, “Nyeb'angba miyo ngen tulungba keme!”

KISAH RASUL-RASUL 18:18

Paulus tinggea kekedau bilai igai neak Korintus. Lajau si pamit ngen tun-tun de pecayo neak di, ngen belayea moi Siria, sesudo si metok bukne neak Kengkrea, kerno si bi janjai. Priskila ngen Akwila semerto si.

KISAH RASUL-RASUL 19:21

Sesudo peristiwo o, Paulus temtep utuk lalau moi Yerusalem liwet Makedonia ngen Akhaya. Paulus madeak, “Sesudo moi di uku harus kemliak Roma kulo.”

KISAH RASUL-RASUL 20:1

Sesudo keadaan neak Efesus aman igai, Paulus kemopoa jemaat, melei semangat ngen tobo'o. Sesudo'o si mucep selamat tinggea lajau temrus pemaneune moi Makedonia.

KISAH RASUL-RASUL 20:19

Rendeak atei ngen dau bioa matai, uku kerjo utuk Tuhan ngen dau meding saro kerno rancano kidek tun-tun Yahudi.

KISAH RASUL-RASUL 20:2

Si moi daerah-daerah Makedonia, melei dau nasihat ngen tun-tun de pecayo ngen Yesus neak di utuk melei semangat ngen tobo'o. Sesudo'o si lalau moi Yunani.

KISAH RASUL-RASUL 21:3

Sesudo'o keten Siprus neak peak kideu, tapi keme liwetne lajau lalau moi Siria. Akherne sapeiba keme neak Tirus, kerno muatan kepea harus nukea neak kota o.

KISAH RASUL-RASUL 25:3

Ngen si tobo'o minoi suaktau anugrah de merugai Paulus, adeba meluak Paulus teko moi Yerusalem. Sebab tobo'o dong menea rencano utuk munuak Paulus neak tengeak dalen.

2 KORINTUS 1:15

Kerno keyakinan o ba uku perneak rencano utuk mulau udi dute, supayo udi buliak temimo anugerah utuk keduai kilaine.

2 KORINTUS 11:26

Lem pemaneuku uku cet nacam bahayo banjir ngen perapok, bahayo kunei pihok tun-tun Yahudi ngen kunei pihok tun-tun iso Yahudi; bahayo neak kota, bahayo neak benei libea, bahayo neak tengeak laut, gen bahayo kunei pihok saudaro-saudaro palsu.

2 KORINTUS 7:5

Ketiko keme sapei neak Makedonia, keme samo sekilai coa sepat istirahat. Neak ipe bae keme meding saro: kunei pihok luea tekea, kunei lem atei suang saben.

GALATIA 1:21

Sesudo'o uku lalau moi daerah-daerah Siria ngen Kilikia.