KISAH RASUL-RASUL 20:2 - JANJAI BLAU Lem Bahaso Jang Bebilai

² Si moi daerah-daerah Makedonia, melei dau nasihat ngen tun-tun de pecayo ngen Yesus neak di utuk melei semangat ngen tobo'o. Sesudo'o si lalau moi Yunani.

KISAH RASUL-RASUL 20:2 ပူးပေါင်းရင်းမြစ်များ

LUKAS 3:18

Awei yo ba Yohanes melei nasehat tun-tun ngen memecem ca'o, pado waktau si melei namen Bito Baik.

KISAH RASUL-RASUL 14:22

Neak penan'o tobo'o kemuet atei murid-murid'o ngen melei nasihat tobo'o supayo tep pecayo ngen Yesus, madeak bahwo utuk masuk moi lem Allah meriteak sebagai Rajo ite harus meding dau kesaro.

KISAH RASUL-RASUL 15:41

Berakatba si kemliling Siria ngen Kilikia samo kemu'et jemaat-jemaat neak di.

KISAH RASUL-RASUL 16:12

neak di keme moi Filifi, kota pertamo neak bagian Makedonia yo, suaktau kota penan meratau tun Roma. Neak kota o keme tinggea kekedau bilai.

KISAH RASUL-RASUL 17:1

Paulus ngen Silas mok dalen liwet Amfipolis ngen Apolonia, sapei neak Tesalonika. Neak di ade debueak umeak semyang tun Yahudi.

KISAH RASUL-RASUL 17:10

Tapi pado malem o kulo segro tun-tun pecayo neak di meluak Paulus ngen Silas berakat moi Berea. Sapeine neak di lalauba tobo'o moi umeak semyang tun Yahudi.

KISAH RASUL-RASUL 2:40

Ngen dau kecek de luyen igai si saksai ngen demsok tobo'o, nadeakne, “Neleiba dirainu senlamat kunei tun-tun de kidek yo.”

KISAH RASUL-RASUL 20:1

Sesudo keadaan neak Efesus aman igai, Paulus kemopoa jemaat, melei semangat ngen tobo'o. Sesudo'o si mucep selamat tinggea lajau temrus pemaneune moi Makedonia.

KISAH RASUL-RASUL 20:11

Sesudo'o Paulus kenek igai moi das, lajau magiak ruti ngen mbuk besamo-samo. Bi an miling ngen tun-tun sapei pueng, Paulus berakat.

KISAH RASUL-RASUL 20:3

Telau bulen anne si tinggea neak di. Lajau ketiko si dong siap-siap utuk belayea moi Siria, ade bito bahwo tun-tun Yahudi dong sepakat utuk munuakne. Kerno'o si melei keputusan utuk belek liwet Makedonia.

1 KORINTUS 4:19

Tapi amen Tuhan melei izin uku bakea teko kulo ngen ko coa an igai. Be pado waktau o uku bakea kemliak kulo jano de dapet nea tun-tun de ombong o; iso cuma kecek tobo'o bae.

KOLOSE 1:28

Kristus'oba de keme melei namen ngen tiep tun. Keme minget ngen majea tobo'o kutene ngen kute kebijaksanaan. Tujuan keme adeba supayo tiep tun dapet nemin ngen Allah, sebagai tun de lai lem hal-hal rohani, kerno bi jijai do ngen Kristus.

1 TESALONIKA 2:11

Udi namen bahwo keme manggap udi awei suang bapok te'adep anok-anokne.

1 TESALONIKA 2:3

Nasehat keme ngen udi iso kunei kekeliruan; atau kunei maksud de coa benea atau utuk mike.

1 TESALONIKA 4:1

Akhirne Saudaro-saudaro, keme sudo melei teladan ngen udi tetang awei ipe udi harus idup utuk semnang atei Allah. Memang udi bi idup awei o. Tapi uyo das kuaso Tuhan Yesus, keme minoi nien ngen udi, makso supayo udi lebiak berusaho igai lem hal o!