KISAH RASUL-RASUL 2:30 - JANJAI BLAU Lem Bahaso Jang Bebilai

³⁰ Tapi si adeba suang nebai ngen si namen, bahwo Allah bi janjai ngen si ngen supeak bahwo saleak suang kunei royot Daud suang neak das takhtane.

KISAH RASUL-RASUL 2:30 ပူးပေါင်းရင်းမြစ်များ

MATIUS 22:43

“Amen awei yo,” tanye Yesus, “Getai ngen pipinan Roh Daud senbut Rajo Penyelamat ‘Tuhan’? Kerno Daud madeak,

MATIUS 27:35

Sudo'o tobo'o senalib Si ngen magiak-magiak keracok-Ne ngen ca'o suten.

MARKUS 12:36

Daud su'ang ngen pemipin Roh Sucai madeak: ‘Tuhan bi befirman ngen Tuan-Ku: Temot ba neak depeak kanen-Ku, sapei musuak-musuak-Nu nyereak ngen-Ko.’

LUKAS 24:44

Si madeak ngen tobo'o, “Dioba padeak-Ku, de bi Kunadeak ngen udi ketiko Uku masiak sesamo ngen udi, adeba bahwo arus genep kute de ade tetulis tetang Uku lem kiteb Taurat Musa ngen kiteb nebai-nebai ngen kiteb Mazmur.”

KISAH RASUL-RASUL 1:16

“Hoi tun-tun, arusba tejijai ayat Kiteb Sucai, de senapei dute Roh Sucai liwet Daud tetang Yudas, pimipin tun-tun de temakep Yesus.

ROMA 1:3

Bito Baik o tetang Anok Allah, Tuhan ite Yesus Kristus. Seca'o manusiawi, Si adeba royot Daud,

ROMA 15:12

Ngen dio kulo de nadeak Yesaya, “Kunei royot Isai bakea teko su'ang tun de bakea meriteak bangso-bangso; ngen Siba bangso-bangso o bakea ma'ep.”

2 TIMOTIUS 2:8

Tingetba hal yo: Bito Baik de uku melei namen o adeba bito tetang Yesus Kristus, royot Daud; Siba Kristus de sudo idup igai kunei matei.

IBRANI 1:1

Pado jaman bel'o dau nien Allah miling ngen ninik puyang te liwet nebai-nebai ngen memecem ca'o.

IBRANI 3:7

Kerno o, awei nadeak Roh Allah, “Amen pado bilai yo udi temi'uk saei Allah,

IBRANI 4:7

Kerno Allah bi temtau suaktau bilai de luyen igai, de senbut “Bilai Yo”. Betaun-taun sesudo'o Allah miling tetang hal o liwet Daud, lem ayat de tenulis nano, “Amen pado bilai yo udi temi'uk saei Allah, jibeakba udi telo ulau.”

IBRANI 6:17

Allah lok jemlas ngen tun-tun de temimo janjai-Ne, bahwo Si coa bakea mubeak rencano-Ne. Do'oba sebabne Si besupeak igai ngen janjai-Ne o.

IBRANI 7:21

Tapi Yesus naket jijai imem pakei supeak, waktau Allah madeak ngen-Si, “Tuhan bi supeak, ngen Si coa bakea bubeak pendirian-Ne, ‘Ko adeba imem selamo-lamone.’ ”

2 PETRUS 1:21

Sebab, coa perneak pesen kunei Allah nelei namen cuma das kelok manusio. Tapi Roh Allah kemuaso tun utuk semapei pesen kunei Allah suang.

WAHYU 17:14

Tobo'o bakea perang melawen Anok Bebirai o. Tapi Anok Bebirai o ngen penotoa-penotoa-Ne de setia de sudo nok-Ne ngen niliak-Ne o bakea maleak rajo-rajo o, sebab Siba Tuhan kute tuan, ngen Rajo kute rajo-rajo.”

WAHYU 19:16

Neak jubah-Ne ngen neak balung-Ne tetulis do gen, “Rajo kute rajo, ngen Tuhan kute tuan.”