KISAH RASUL-RASUL 2:10 - JANJAI BLAU Lem Bahaso Jang Bebilai

¹⁰ Frigia ngen Pamfilia, Mesir ngen daerah-daerah Libia de pa'ok Kirene, ade kunei ite de teko kunei Roma,

KISAH RASUL-RASUL 2:10 ပူးပေါင်းရင်းမြစ်များ

KISAH RASUL-RASUL 16:6

Tobo'o melitas taneak Frigia ngen taneak Galatia, kerno Roh Sucai temgeak tobo'o utuk melei namen Bito Baik neak Asia.

KISAH RASUL-RASUL 18:23

Sesudo tinggea kekedau an neak di, si berakat igai lajau jemlajeak kute taneak Galatia ngen Frigia utuk kemu'et atei kute tun-tun pecayo.

KISAH RASUL-RASUL 15:38

tapi Paulus madeak ngen tegas bahwo coa baik mbin serto tun de sudo teminggea tobo'o neak Pamfilia ngen coa lok milau kerjo besamo-samo tobo'o.

KISAH RASUL-RASUL 13:43

Sesudo selesei semyang, dau tun Yahudi ngen penganut-penganut agamo Yahudi de saben ngen Allah, temotoa Paulus ngen Barnabas; keduai rasul'o majea tobo'o ngen melei nasihat supayo tobo'o tep idup neak lem anugrah Allah.

KISAH RASUL-RASUL 13:13

Lajau Paulus ngen kekuatteminggea Pafos, belayea moi Perga neak Pamfilia; tapi Yohanes teminggea tobo'o lajau belek moi Yerusalem.

2 TIMOTIUS 1:17

Ketiko sapei neak Roma, si terus berusaho mesoa uku sapei si temau ngen uku.

ROMA 1:15

Do'oba sebabne uku lok melei namen Bito Baik ngen udi de tinggea neak Roma.

KISAH RASUL-RASUL 27:5

Sesudo keme liwet laut de sekadep ngen Kilikia ngen Pamfilia lajau sapei neak Mira daerah Likia.

KISAH RASUL-RASUL 14:24

Tobo'o temrus kemliling kute daerah Pisidia ngen sapei neak Pamfilia.

KISAH RASUL-RASUL 11:20

Tapi, neak antaro tobo'o ade kekedau tun Siprus ngen tun Kirene de sapei neak Antiokhia, madeak kulo nge tun-tun makei bahaso Yunani ngen melei namen tetang Tuhan Yesus.

MARKUS 15:21

Pado waktau'o liwet suang tun genne Simon, tun Kirene, bak Aleksander ngen Rufus, de pei teko kunei luea kuta, ngen tun'o tobo'o pakso utuk mikua Salib Yesus.

MATIUS 27:32

Neak tengeak dalen, tobo'o temau ngen suang tun kunei Kirene genne adeba Simon. Tobo'o makso tun'o musung salib Yesus.

WAHYU 11:8

Ngen mayit tobo'o bakea besirok neak dalen kota lai, neak ipe Tuhan tobo'o senalib. Gen kiasan kota o adeba Sodom atau Mesir.

ROMA 1:7

Do'o sebabne uku temulis ngen udi. Semoga Allah Bapa ite ngen Tuhan Yesus melei berkat ngen sejahtera ngen udi.

KISAH RASUL-RASUL 28:15

Tun-tun neak Roma de pecayo ngen Yesus bi temi'uk bito tetang keme, tobo'o teko magea keme moi Forum Apius ngen Tres Taberne. Ketiko Paulus kemliak tobo'o, si mucep syukur ngen Allah ngen ateine jijai tabah.

KISAH RASUL-RASUL 18:2

Neak di si temau ngen suang Yahudi genne Akwila, asalne kunei Pontus. Si tembei teko kunei Italia ngen Priskila, ngenyanne, kerno kaisar Klaudius bi meriteak, supayo kute tun Yahudi teminggea Roma. Paulus singgeak neak umeak tobo'o.

KISAH RASUL-RASUL 13:1

Pado waktau'o lem jemaat neak Antiokhia ade kekedau nebai ngen pengajea, adeba: Barnabas ngen Simeon de senbut Niger, ngen Lukius tun Kirene, ngen Menahem de nasuh besamo ngen rajo Wilayah Herodes, ngen Saulus.

KISAH RASUL-RASUL 6:9

Tapi ade tun-tun de temtang si; tobo'o adeba anggota-anggota umeak semyang de senbut Umeak Semyang Tun-tun Bebas. Anggota-anggota umeak semyang o adeba tun-tun Yahudi kunei Kirene ngen Aleksandria. Tobo'o ngen tun-tun Yahudi kunei Kilikia ngen Asia bedebat ngen Stefanus.

KISAH RASUL-RASUL 6:5

Kute tun o tujau ngen usul kunei rasul-rasul o. Lajau tobo'o miliak Stefanus, suang de pecayo nien ngen Yesus ngen kenuaso Roh Sucai. Tepiliak kulo: Filipus, Prokhorus, Nikanor, Timon, Parmenas, ngen Nikolaus kunei Antiokhia; si iso tun Yahudi.

MATIUS 2:15

Tobo'o tinggea neak di sapei Herodes ninggea. Hal'o tejijai jano awei de Tuhan madeak liwet nebai-Ne, “Uku medeu Anok-Ku keluea kunei Mesir.”

KISAH RASUL-RASUL 23:11

Pado malem menne Tuhan teko je neak depeakne ngen madeak ngen si, “Teguakba ateinu, Ko bi melei saksainu tetang Uku neak Yerusalem. Be ko harus melei saksai o neak Roma.”

MATIUS 23:15

Celakoba udi gu'au-gu'au agamo ngen tun-tun Farisi! Udi tun-tun munafik! Udi lalau uak-uak nyebe'ang laut ngen mejelajah da'et cuma utuk menea do tun masuk agamonu. Sesudo tun masuk agamonu, udi menea si calon nerako de duai kilai lebiak jahat kunei udi dewek!

KISAH RASUL-RASUL 2:11

baik tun Yahudi, tun Kreta ngen tun Arab. Ite kute temi'uk tobo'o miling lem bahaso ite suang tetang mujizat de nea Allah.”

KISAH RASUL-RASUL 17:21

Kerno kute tun Atena ngen tun-tun asing de tinggea neak di coa gen waktau utuk madeak atau temi'uk tetang hal-hal de belau.)