KISAH RASUL-RASUL 18:4 - JANJAI BLAU Lem Bahaso Jang Bebilai

⁴ Tiep bilai Sabat Paulus miling lem umeak semyang ngen berusaho supayo tun-tun Yahudi ngen tun-tun Yunani pecayo ngen Yesus.

KISAH RASUL-RASUL 18:4 ပူးပေါင်းရင်းမြစ်များ

LUKAS 16:31

Tapi Abraham madeak, ‘Amen tobo'o coa temi'uk periteak Musa ngen nebai-nebai, pasetba tobo'o coa bakea masai kulo, kunyau kulo ade tun matei de idup igai.’ ”

LUKAS 4:16

Yesus teko moi Nazaret penan Si lai, ngen temurut biaso-Ne pado bilai Sabat Yesus masuk moi umeak semyang. Lajau Si je utuk baco kiteb.

YOHANES 7:35

Kerno o, tobo penguaso Yahudi o madeak suang tun ngen de luyen ne, “Moi ipe Si bakea lalau, sehinggo ite coa dapet temau ngen Si? Jano si be niat lok lalau ngen tun-tun Yahudi de tinggea neak ratau, neak antaro tun Yunani, utuk majea tun Yunani?

KISAH RASUL-RASUL 13:14

Kunei Perga tobo'o temrus pemaneu ne, lajau sapei neak Antiokhia neak Pisidia. Pado bilai Sabat tobo'o lalau moi umeak semyang, lajau temot neak di.

KISAH RASUL-RASUL 14:1

Neak Ikonium Paulus ngen Barnabas masuk moi umeak semyang tun Yahudi, lajau majea dau hal, sehinggo sejumleak lai tun jijai pecayo, baik tun Yahudi atau tun Yunani.

KISAH RASUL-RASUL 17:11

Tun-tun Yahudi neak kota o lebiak tukok ateine kunei pado tun-tun Yahudi neak Tesalonika, kerno tobo'o temimo Firman o ngen kute kerelaan atei, tiep bilai tobo'o semlidik Kitep Sucai utuk namen, jano kutene o benea awei o.

KISAH RASUL-RASUL 17:17

Kerno o neak umeak semyang, Paulus betukar pekeran ngen tun-tun Yahudi ngen tun-tun de saben ngen Allah. Awei o kulo tiep bilai si tukar pekeran ngen tun-tun neak pasar.

KISAH RASUL-RASUL 18:13

Tobo'o madeak, “Si yo berusaho menea tun nyembeak Allah ngen ca'o de bertentangan ngen Hukum Taurat.”

KISAH RASUL-RASUL 18:19

Lajau sapeiba tobo'o neak Efesus. Paulus teminggea Priskila ngen Akwila neak di. Si suang masuk moi umeak semyang, miling ngen tun-tun Yahudi.

KISAH RASUL-RASUL 19:26

Uyo udi suang kemliak ngen temi'uk, awei ipe Paulus, iso bae neak Efesus, tapi kulo gesea neak kute Asia bi mbujuk ngen semset dau tun ngen madeak bahwo jano de nea tangen manusio isoba diwo.

KISAH RASUL-RASUL 19:8

Selamo telau bulen Paulus teko moi umeak semyang neak di, miling ngen binai serto bedebat ngen tobo'o utuk supayo tobo'o yakin tetang Allah meriteak sebagai Rajo.

KISAH RASUL-RASUL 26:28

Jawab Agripa, “ko sako mudeak menea uku jijai tun Kristen lem waktau de siket yo!”

KISAH RASUL-RASUL 28:23

Lajau tobo'o ngen Paulus temtep bilai utuk temau. Pado bilai o tekoba tobo'o lem jumleak lai moi penan tinggea Paulus. Paulus tem'ang, melei saksai ngen tobo'o tetang Allah meriteak sebagai Rajo; temurut Hukum Taurat ngen Bukau Nebai-nebai, Paulus beusaho menea tobo'o pecayo tetang Yesus. Hal o berlangsung kunei pueng sapei pelbeak.

KISAH RASUL-RASUL 9:20

Si lasung lalau moi umeak-umeak semyang muloi melei namen bahwo Yesus do'oba Anok Allah.

2 KORINTUS 5:11

Keme namen jano taine saben ngen Tuhan, kerno o keme berusaho menea tun yakin tetang dirai keme. Allah kebiak namen atei keme ngen te'ang, ngen uku ma'ep udi kulo kemnal keme neak lem ateinu.