KISAH RASUL-RASUL 18:3 - JANJAI BLAU Lem Bahaso Jang Bebilai

³ Kerno tobo'o menea kerjo de serai, si tinggea besamo-samo tobo'o. Tobo'o kerjo besamo-samo, kerno tobo'o sesamo tukang menea kemah.

KISAH RASUL-RASUL 18:3 ပူးပေါင်းရင်းမြစ်များ

1 KORINTUS 4:12

keme kerjo keras utuk mesoa kembuk. Amen keme senupeak, keme males ngen berkat; amen keme senikso, keme sabar;

1 KORINTUS 9:14

Awei'o kulo Tuhan bi temtau bahwo tun de melei Bito Baik o harus dapet nafkah kunei bito o.

1 KORINTUS 9:15

Tapi ati perneak uku makei do kulo kunei hok-hok o. Uku temulis su'et yo iso kulo ngen maksud supayo hal-hal o de nea uyo te'adep uku. Lebiak uku matei kunei kelnyep hal de uku mbangga o.

1 KORINTUS 9:18

Amen awei'o, jano upeak uku? Dio upeakne: bahwo uku dapet melei namen Bito Baik o ngen semaro suang tun kulo utuk temanggung biayaku, kerno uku coa temutut hok-hokku sebagai tukang melei namen Bito Baik o.

2 KORINTUS 11:7

Pado waktau uku melei namen Bito Baik kunei Allah ngen udi, uku coa minoi biaya didik kulo ngen udi. Uku nea o utuk melekat udi. Jano uku saleak?

2 KORINTUS 11:9

Amen pado waktau o uku serbo kuang, uku coa perneak semaro suang tun kulo kunei udi. Kute de uku perlu seniap ngen saudaro-saudaro de teko kunei Makedonia. Uku jemago baik-baik supayo uku coa semaro udi lem hal jano bae, ngen uku bakea te'us jemago supayo do'o tep awei o.

2 KORINTUS 12:13

Lem hal jano udi ku'ang coa denulai, mbanding ngen jemaat-jemaat de luyen? Paling-paling cuma lem hal yo, bahwo uku coa jijai beban udi. Uku minoi maaf das saleak o.

1 TESALONIKA 2:9

Paset udi masiak tinget awei ipe keme berusaho ngen berjuang. Lueng kelmen keme bekerjo supayo keme coa semaro suang tun kulo kunei udi sewaktau keme melei namen Bito Baik de kunei Allah o ngen udi.

1 TESALONIKA 4:11

Berusahoba idup tenang, coa cemapua persoalan-persoalan tun luyen ngen bekerjo ngen tangen, awei de keme pesen ngen udi.