KISAH RASUL-RASUL 17:5 - JANJAI BLAU Lem Bahaso Jang Bebilai

⁵ Tapi tun-tun Yahudi jijai iri, ngen batuan kekedau penjahat de bekeliaran neak dalen-dalen, tobo'o menea keributan ngen macau kota o. Tobo'o semerbu umeak Yason ngen maksut utuk mbin Paulus ngen Silas madeptun dau.

KISAH RASUL-RASUL 17:5 ပူးပေါင်းရင်းမြစ်များ

MATIUS 27:18

Pilatus madeak awei'o sebab si namen bahwa pemipin-pemipin Yahudi semreak Yesus ngen si kerno tobo'o kidek atei.

KISAH RASUL-RASUL 13:45

Tapi waktau tun Yahudi kemliak tun dau'o, penuakba tobo'o ngen kidek atei samo mino, tobo'o bateak jano de nadeak Paulus.

KISAH RASUL-RASUL 14:19

Tapi tekoba tun-tun Yahudi kunei Antiokhia ngen Ikonium, tobo'o majung tun dau'o sehinggo bepihok ngen tobo'o. Lajau tobo'o meluk Paulus ngen butau, seme'etne moi luea kota, kerno tobo'o sako bahwo si bi matei.

KISAH RASUL-RASUL 14:2

Tapi tun-tun Yahudi de temulok bito tobo'o, majung tun-tun iso Yahudi ngen menea tobo'o jengik teadep tun-tun de pecayo ngen Yesus.

KISAH RASUL-RASUL 17:13

Tapi ketiko tun-tun Yahudi kunei Tesalonika namen bahwo neak Berea kulo bi nelei namen firman Allah ngen Paulus, tobo'o kulo teko moi di utuk majung ngen menea tun-tun neak di jijai liseak.

KISAH RASUL-RASUL 17:6

Tapi ketiko tobo'o coa temau Paulus ngen Silas, tobo'o seme'et Yason ngen kekedau tun pecayo luyen moi adep pejabat-pejabat kota, samo menggang, “Tun-tun de macau kute denio bi teko kulo miyo,

KISAH RASUL-RASUL 17:7

ngen Yason temimo tobo'o nupang neak umeakne. Tobo'o kute melanggea ketetapan-ketetapan Kaisar Roma, si madeak bahwo ade suang rajo luyen, adeba Yesus.”

KISAH RASUL-RASUL 17:9

Tapi sesudo tobo'o dapet jaminan kunei Yason ngen kunei tun-tun de pecayo luyenne, tobo'o kulo nepas.

KISAH RASUL-RASUL 18:12

Tapi, sesudo Galio jijai gubernur neak Akhaya, tun-tun Yahudi bersatu melawen Paulus, lajau mbin Paulus moi pengadilan.

KISAH RASUL-RASUL 19:40

Sebab ite ade lem bahayo bakea tenuduak bahwo ite menea huru-hara pado bilai yo, kerno coa ade alasan de dapet ite madeak utuk mbenea kupulan de kacau-balau yo.”

KISAH RASUL-RASUL 7:9

Bapok-bapok leluhur ite o nyebu'au ngen Yusuf, sehinggo tobo'o jemuoa si jijai budok neak Mesir. Tapi Allah semerto si,

ROMA 16:21

Timotius, kuatku, semapei salamne ngen udi. Awei o kulo Lukius, Yason ngen Sosipater, de do sukau bangso ngen uku.

1 KORINTUS 3:3

kerno udi masiak manusio duniawi. Sebab amen udi masiak iri atei, selisiak do ngen de luyen, do'o kemten bahwo udi masiak idup temurut manusio duniawi, awei tun-tun de coa kemnal Allah.

2 KORINTUS 11:26

Lem pemaneuku uku cet nacam bahayo banjir ngen perapok, bahayo kunei pihok tun-tun Yahudi ngen kunei pihok tun-tun iso Yahudi; bahayo neak kota, bahayo neak benei libea, bahayo neak tengeak laut, gen bahayo kunei pihok saudaro-saudaro palsu.

GALATIA 5:21

dengki, bogoa mabuk, poya-poya ngen sebagaine. Te'adep kutene o uku minget udi – awei de sudo uku nea bel'o – bahwo api bae de menea hal-hal awei o coa bakea jijai anggota umat Allah.

GALATIA 5:26

ngen jibeakba ombong, jibeakba ite saling belawen ngen iri atei.

1 TESALONIKA 1:6

Udi temotoa teladan keme ngen teladan Tuhan. Kunyau udi kembiak saro, udi semambut ngen riang bito de keme melei namen ngen udi. Riang o nelei Roh Allah.

YAKOBUS 4:5

Jibeak sako bahwo Kiteb Sucai coa ade alasan madeak, “Neak lem dirai ite Allah mpek Roh de kembiak kuet.”