KISAH RASUL-RASUL 15:4 - JANJAI BLAU Lem Bahaso Jang Bebilai

⁴ Sapeine neak Yerusalem tobo'o senambut ngen jemaat, rasul-rasul ngen pemipin-pemipin, lajau tobo'o cemrito kute seseuaktau de Allah menea liwet tobo'o.

KISAH RASUL-RASUL 15:4 ပူးပေါင်းရင်းမြစ်များ

MATIUS 10:40

“Tun de temimo udi temimo Uku, ngen tun de temimo de mutusku, Uku temimo Si.

KISAH RASUL-RASUL 11:30

Hal'o tobo'o menea kulo, tobo'o kemirimne ngen pemipin-pemipin jemaat liwet Barnabas ngen Saulus.

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

KISAH RASUL-RASUL 15:12

Lajau diemba kute umat o, lajau tobo'o temi'uk Paulus ngen Barnabas cemrito kute tando ngen mujizat de nea Allah ngen perantaro tobo'o neak antaro bangso-bangso luyen.

KISAH RASUL-RASUL 15:2

Tapi Paulus ngen Barnabas temtang melawen pendapet tobo'o. Akherne tentep, supayo Paulus ngen Barnabas serto kekedau tun luyen kunei jemaat o lalau ngen rasul-rasul ngen pemipin-pemipin neak Yerusalem utuk madeak hal o.

KISAH RASUL-RASUL 15:22

Sesudo'o rasul-rasul ngen pemipin-pemipin serto kute jemaat o mok keputusan utuk miliak kunei antaro tobo'o kekedau tun de bakea nutus moi Antiokhia besamo-samo Paulus ngen Barnabas, adeba Yudas de senbut Barsabas ngen Silas. Keduaine adeba tun tepandang neak antaro tun-tun de pecayo.

KISAH RASUL-RASUL 15:3

Tobo'o nembes ngen jemaat sapei moi luea kota, lajau tobo'o paneu liwet Fenisia ngen Samaria, cemrito tetang pertobatan tun-tun iso Yahudi. Hal o kembiak semnang atei tun-tun de pecayo neak di.

KISAH RASUL-RASUL 15:6

Lajau sidangba rasul-rasul ngen pemipin-pemipin utuk berunding hal o.

KISAH RASUL-RASUL 16:4

Lem pemaneu keliling kunei kota moi kota Paulus ngen Silas semapei keputusan-keputusan de nemok paro rasul ngen pemipin neak Yerusalem, pesenne supayo jemaat-jemaat temotoane.

KISAH RASUL-RASUL 18:27

Kerno Apolos lok nyeb'ang moi Akhaya, tun-tun pecayo neak Efesus kemirim su'et ngen penotoa-penotoa neak di, supayo tobo'o semambut si. Sapeine neak Akhaya, si jijai kebiak beguno bagiak tun-tun de pecayo ngen Anugrah Allah.

KISAH RASUL-RASUL 21:17

Ketiko keme sapei neak Yerusalem, kute tun-tun do imen semambut keme ngen riang.

KISAH RASUL-RASUL 21:19

Paulus melei salam ngen tobo'o, lajau cemrito kute sesuaktau jano de nea Allah neak antaro bangso-bangso luyen liwet pelayananne.

ROMA 15:18

Uku binai madeak awei o cuma tetang jano de sudo nea Kristus liwet uku utuk jijai tun-tun iso Yahudi taat ngen Allah. Uku menea o ngen kecek-kecek atau plep,

ROMA 15:7

Sebab o lokba Saudaro-saudaro temimo do ngen de luyen ngen riang atei, serai awei Kristus kulo temimo udi utuk memuliakan Allah.

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

2 KORINTUS 5:19

Sebab neak lem Kristus, Allah ndamoi dunio ngen dirai-Ne ngen coa kemliak saleak tobo'o, Si bi melei kepercayaan bito perdamaian o nge keme.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

KOLOSE 4:10

Aristakhus, de ade neak lem sel besamo-samo uku, mbo salam utuk udi. Awei o kulo Markus, Saudaro sepupu Barnabas. (Udi bi nbo bito utuk semambut si amen si teko magea udi.)

2 YOHANES 1:10

Kerno o, amen ade tun teko, melei namen ngen udi ajaran de coa najea Kristus, jibeakba temimo tun o neak lem umeaknu atau melei salam ngen si.