KISAH RASUL-RASUL 15:1 - JANJAI BLAU Lem Bahaso Jang Bebilai

¹ Kekedau tun teko kunei Yudea moi antiokhia ngen majea ngen tun-tun pecayo neak di, “Amen udi coa senunat temurut adat istiadat hukum Musa, udi coa dapet senlamat.”

KISAH RASUL-RASUL 15:1 ပူးပေါင်းရင်းမြစ်များ

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

KISAH RASUL-RASUL 15:5

Tapi kekedau tun kunei aliran Farisi, de sudo jijai pecayo, je ngen madeak, “Tun-tun iso Yahudi harus senunat ngen wajib utuk temurut hukum Musa.”

KOLOSE 2:8

Lokba udi teatei, jibeak sapei ade de mbujuk udi ngen falsafah-falsafah manusio de coa beguno, cuma menea udi jijai sesat. Falsafah-falsafah o iso kunei Kristus, tapi kunei pendapet manusio bae ngen kunei roh-roh penguaso dunio.

KISAH RASUL-RASUL 15:24

Keme bi temi'uk bahwo ade kekedau tun neak antaro keme, de coa dapet pesen kunei keme, bi menea keme liseak ngen menea keme bingung ngen ajaran tobo'o.

YOHANES 7:22

Jijai, Musa temtep supayo udi sunat – sebeneane sunat o iso kunei Musa, tapi kunei ninik puyang ite ngen ko semunat tun pado bilai Sabat!

GALATIA 2:1

Pat blas taun sesudo'o, uku lalau igai moi Yerusalem ngen Barnabas ngen Titus kulo uku mbin.

KISAH RASUL-RASUL 15:3

Tobo'o nembes ngen jemaat sapei moi luea kota, lajau tobo'o paneu liwet Fenisia ngen Samaria, cemrito tetang pertobatan tun-tun iso Yahudi. Hal o kembiak semnang atei tun-tun de pecayo neak di.

KISAH RASUL-RASUL 6:14

Keme bi temi'uk si madeak, bahwo Yesus kunei Nazaret o bakea mubuak Umeak Tuhan yo, lajau mubeak kute adat istiadat de tenu'un Musa ngen ite!”

KOLOSE 2:16

Kerno o, jibeak munyau tun semaleak udi tetang kembuk ngen menem atau tetang bilai rayo, bulen blau atau kulo bilai Sabat.

KISAH RASUL-RASUL 21:20

Sesudo temi'uk cerito Paulus'o, tobo'o kutene mujai Allah. Lajau tobo'o madeak ngen Paulus, “Paulus, keliakba, beribau-ribau tun Yahudi bi pecayo ngen Yesus kute setia miaro Hukum Taurat.

KISAH RASUL-RASUL 15:22

Sesudo'o rasul-rasul ngen pemipin-pemipin serto kute jemaat o mok keputusan utuk miliak kunei antaro tobo'o kekedau tun de bakea nutus moi Antiokhia besamo-samo Paulus ngen Barnabas, adeba Yudas de senbut Barsabas ngen Silas. Keduaine adeba tun tepandang neak antaro tun-tun de pecayo.

KISAH RASUL-RASUL 1:15

Sewaktau bilai o je ba Petrus neak tengeak-tengeak tun-tun do imen gidong bekopoa o, kekiro sotos duai puluak tun dau ne, lajau madeak,

KISAH RASUL-RASUL 15:23

Ngen tobo'o senreak su'et de sa'eine, “Salam kunei rasul-rasul ngen pemipin-pemipin, kunei pasuak-pasuaknu ngen pasuak-pasuak neak Antiokhia, Siria ngen Kilikia de asal kunei bangso-bangso luyen.

KISAH RASUL-RASUL 15:32

Yudas ngen Silas, de adeba kulo nebai, dau melei penghiburan ngen pasuak-pasuak de pecayo o ngen kemu'et atei tobo'o.

GALATIA 6:12

Tun-tun de lok kemten dirai ngen hal-hal lahiriah, tobo'oba de berusaho makso udi utuk sunat, maksudne cuma, supayo tobo'o coa senikso kerno salib Kristus.