KISAH RASUL-RASUL 14:4 - JANJAI BLAU Lem Bahaso Jang Bebilai

⁴ Tapi tun dau neak kota'o tepecuak jijai duai: ade de bepihok ngen tun Yahudi, ade kulo de bepihok ngen rasul-rasul'o.

KISAH RASUL-RASUL 14:4 ပူးပေါင်းရင်းမြစ်များ

KISAH RASUL-RASUL 28:24

Ade de pecayo ngen kecekne, ade de tep coa pecayo.

KISAH RASUL-RASUL 19:9

Tapi ade kekedau tun de telo ateine. Tobo'o coa lok pecayo, tapi mupet ajaran Yesus neak adep tun dau. Kerno'o Paulus teminggea tobo'o ngen cem'ei penotoa-penotoane kunei tobo'o, tiep bilai miling neak ruang kuliah Tiranus.

KISAH RASUL-RASUL 14:14

Temi'uk'o Barnabas ngen Paulus, cema'ik keracok tobo'o, lajau melilai moi tengeak-tengeak tun dau'o samo menggang,

1 KORINTUS 9:5

Jano uku coa ade hok mbin suang pengaten selawei de pecayo ngen Kristus besamo-samo uku lem pemaneuku, awei de nea Saudaro-saudaro Tuhan Yesus ngen rasul-rasul luyenne temasuk Petrus?

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

YOHANES 7:43

Lajau timboa ba belawen neak antaro tun dau kerno Si.

LUKAS 2:34

Lajau Simeon melei berkat tobo'o ngen madeak ngen Maria, indok Anok o, “Anok yo sudo niliak Allah utuk mukum ngen semlamat dau tun Israel. Si bakea jijai tando kunei Allah, de bakea tentang dau tun.

KISAH RASUL-RASUL 13:45

Tapi waktau tun Yahudi kemliak tun dau'o, penuakba tobo'o ngen kidek atei samo mino, tobo'o bateak jano de nadeak Paulus.

KISAH RASUL-RASUL 13:50

Tapi tun-tun Yahudi mengasut seslawei kunei golongan tun-tun lekat de saben ngen Allah ngen pejabat-pejabat neak kota'o. Tobo'o menea penganiayaan das Paulus ngen Barnabas, musir tobo'o kunei daerah'o.

KISAH RASUL-RASUL 14:2

Tapi tun-tun Yahudi de temulok bito tobo'o, majung tun-tun iso Yahudi ngen menea tobo'o jengik teadep tun-tun de pecayo ngen Yesus.

KISAH RASUL-RASUL 14:5

Lajau muloiba tun-tun de iso Yahudi ngen tun-tun Yahudi besamo-besamo pemipin-pemipin tobo'o berusaho utuk semikso ngen meluk tobo'o ngen butau.

KISAH RASUL-RASUL 14:19

Tapi tekoba tun-tun Yahudi kunei Antiokhia ngen Ikonium, tobo'o majung tun dau'o sehinggo bepihok ngen tobo'o. Lajau tobo'o meluk Paulus ngen butau, seme'etne moi luea kota, kerno tobo'o sako bahwo si bi matei.

1 TESALONIKA 2:14

Saudaro-saudaro, hal de udi meding bi nding kulo jemaat-jemaat Allah neak Yudea de jijai de Kristus Yesus temuan. Udi meding saro kunei pihok bangsonu suang, serai awei de nding jemaat-jemaat Allah neak Yudea o kunei pihak tun-tun Yahudi.