KISAH RASUL-RASUL 14:3 - JANJAI BLAU Lem Bahaso Jang Bebilai

³ Jijai Paulus ngen Barnabas tinggea agok'an neak di. Tobo'o miling ngen binai utuk Tuhan de melei bukti tetang anugrah-Ne, melei ngen tobo'o kuaso utuk menea tando-tando ngen mujizat-mujizat.

KISAH RASUL-RASUL 14:3 ပူးပေါင်းရင်းမြစ်များ

MARKUS 16:20

Tobo'o kulo lalau melei namen Bito Baik moi kute penjuru, ngen Tuhan milem kerjo ngen kemukuak firman o ngen tando-tando de semertone.] [

YOHANES 4:48

Nadeak Yesus ngen si, “Amen udi coa kemleak tando ngen mujizat, udi coa pecayo.”

KISAH RASUL-RASUL 13:46

Tapi ngen lebiak binai Paulus ngen Barnabas madeak, “Memang ngen udiba firman Allah harus nelei namen lebiak dute, tapi udi temulokne ngen manggep dirainu coa patas utuk dapet idup de kekal. Kerno'o keme moi ngen bangso-bangso luyen.

KISAH RASUL-RASUL 2:22

Hoi tun-tun Israel! Temi'ukba kecek yo: Yesus kunei Nazaret adeba tun de sudo tentau Allah ngen dinyatakan ngen ko. Ngen kekuatan-kekuatan ngen mujizat ngen tando-tando ajaib de menea Allah liwet Si. Neak tengeak-tengeak ko, awei de ko namen.

KISAH RASUL-RASUL 20:24

Tapi uku coa dulai ngen idupku yo, asal uku dapet semlesei tugas de Tuhan Yesus nelei ngen uku, asal uku setia sapei uku matei utuk melei namen Bito Baik o tetang anugrah Allah.

KISAH RASUL-RASUL 20:32

Uyo uku semreak udi ngen Allah kunyau Si de miaro udi, kunyau udi bepegong pado bito anugrah Allah. Allah temuan kuaso utuk kemuet udi, melei ngen ko berkat-berkat de sudo sendio-Ne utuk kute umat-Ne.

KISAH RASUL-RASUL 4:31

Sesudo tobo'o selsei bedu'o, penan tobo'o bekopoa o unyak. Tobo'o kutene kenuaso Roh Sucai, ngen muloi miling ngen binai nien tetang bito kunei Allah.

KISAH RASUL-RASUL 5:32

Kemeba saksai-saksai tetang kutene o – keme ngen kulo Roh Sucai de nelei Allah ngen tun-tun de temotoa periteak-Ne.”

ROMA 1:16

Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

1 TESALONIKA 2:2

Udi namen bahwo ayok keme teko ngen udi neak Tesalonika, keme bi senikso ngen nino neak Filifi. Tapi kunyau dau tun melawen keme, Allah ite bi melei keme kebinai utuk melei namen ngen udi Bito Baik de asalne kunei pado-Ne.

IBRANI 2:4

Seluyen o, Allah kemuet saksai tun-tun o ngen menea kute mecem keajaiban ngen hal-hal de luea biaso serto magiak pelei kunei Roh Allah temurut kelok-Ne suang.