KISAH RASUL-RASUL 13:3 - JANJAI BLAU Lem Bahaso Jang Bebilai

³ Lajau tobo'o puaso ngen bedu'o, sesudo mpek tangen moi das duai tun'o, tobo'o munyau keduaine lalau.

KISAH RASUL-RASUL 13:3 ပူးပေါင်းရင်းမြစ်များ

LUKAS 2:37

Uyo si jando ngen omorne lapen puluak pat taun. Si coa perneak teminggea Umeak Tuhan. Lueng kelmen si semyang, puaso ngen bedu'o.

KISAH RASUL-RASUL 1:24

Tobo'o kute bedu'o ngen madeak, “Au Tuhan, Ko ba de namen atei kute tun, tunjukba kirone api de ko bi niliak kunei keduai tun yo,

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

KISAH RASUL-RASUL 13:4

Kerno nelueak Roh Sucai, Barnabas ngen Saulus berakat moi Seleukia, kunei di tobo'o belayea moi puleu Siprus.

KISAH RASUL-RASUL 14:23

Neak tiep-tiep jemaat rasul-rasul'o temtep pemipin-pemipin utuk jemaat'o, sesudo bedu'o ngen puaso, tobo'o semreak pemipin-pemipin'o ngen Tuhan de tobo'o pecayo'o.

KISAH RASUL-RASUL 14:26

Kunei di belayeaba tobo'o moi Antiokhia; neak penan'oba tobo'o bel'o senreak ngen anugrah Allah utuk muloi kemerjo kerjo de sudo tobo'o semlesei.

KISAH RASUL-RASUL 15:40

Tapi Paulus miliak Silas, sesudo senreak ngen pasuak-pasuak de pecayo o ngen anugrah Tuhan.

KISAH RASUL-RASUL 6:6

Ketujuak tun o nusul ngen rasul-rasul, lajau rasul-rasul o bedu'o ngen minoi berkat Tuhan utuk tobo'o.

KISAH RASUL-RASUL 9:17

Mako Ananias kulo lalau moi umeak o lajau meltok tangenne moi das Saulus. “Pasuak Saulus,” nadeak Ananias, “Tuhan Yesus de udi keliak neak tengeak dalen ketiko Pasuak gidong miyo, Siba de meluak uku teko supayo Pasuak nam kemliak igai, ngen penuak Roh Sucai.”

ROMA 10:15

Ngen awei ipe tobo'o dapet melei namen tetang Si, amen tobo'o coa nutus? Awei ade tetulis, “Padeak baikne tobo'o teko ngen mbin Bito Baik!”

1 TIMOTIUS 4:14

Jibeak ko laloi makei karunio kunei Roh Allah de nelei ngen ko pado waktau pemipin-pemipin jemaat pek tangen tobo'o neak das ulaunu, ngen nebai-nebai semapei pesen Allah tetang dirainu.

1 TIMOTIUS 5:22

Jibeakba gacang ige mpek tangen das suang tun utuk maket si sebagai pelayan Tuhan. Amen tun beduso, jibeak sapei terlibat lem duso o. Jenagoba dirainu supayo tep murni.

2 TIMOTIUS 1:6

Sebab o uku minget ko utuk midup karunio de nelei Allah ngen ko pado waktau uku pek tangenku moi dasnu.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

3 YOHANES 1:6

Tobo'o bi melei saksai neak adep jemaat tetang kasih udi. Tulungba tobo'o supayo dapet temrus pemaneu tobo'o, ngen do ca'o de semnang atei Allah.

3 YOHANES 1:8

Kerno o, ite harus temulung tun-tun de samo-samo bi pecayo ngen Kristus, supayo ite dapet milau lem usaho tobo'o utuk melei namen ajaran de benea kunei Allah.