KISAH RASUL-RASUL 12:4 - JANJAI BLAU Lem Bahaso Jang Bebilai

⁴ Sesudo Petrus tenakep, Herodes meluak nasuk moi lem sel ngen jenago pat regu, masing-masing pat prajurit. Maksudne adeba, kunyau sesudo Paskah si nembin moi adep tun dau.

KISAH RASUL-RASUL 12:4 ပူးပေါင်းရင်းမြစ်များ

MATIUS 24:9

Sudo'o udi bakea tenakep ngen semreak utuk senikso ngen nunuak. Ngen kute dunio bakea jemngik udi kerno udi penotoa-Ku.

MATIUS 26:5

“Tapi,” tobo'o madeak, “Jibeak pado waktau bilai rayo Paskah supayo jibeak timboa ribut neak antaro rakyat.”

MARKUS 14:1

Bilai Rayo Paskah ngen Bilai Rayo Ruti Coa Be'agai bakea muloi duai bilai igai. Imem-imem kepalo ngen gu'au-gu'au agamo mesoa dalen utuk temakep ngen munuak Yesus ngen tipu muslihat.

LUKAS 21:12

Tapi ayok kutene o udi bakea tenakep ngen senikso; udi bakea senreak moi umeak-umeak semyang ngen penjara-penjara, ngen udi bakea nadep ngen rajo-rajo ngen penguaso-penguaso kerno gen-Ku.

LUKAS 22:33

Jawab Petrus, “Tuhan, uku besedio masuk sel ngen matei sesamo ngen Ko!”

YOHANES 19:23

Sesudo prajurit-prajurit o semalib Yesus, tobo'o mok keracok-Ne lajau magiakne jijai pat bagiak–ngen jubah-Ne kulo tobo'o mok. Jubah o coa ade pendet, senulam kunei das moi beak.

YOHANES 21:18

Sesungguakne Uku madeak ngen udi: Waktau ko masiak uai ko meket pinggangnu suang ngen paneu moi ipe bae ko kenlok, tapi amen ko bi tuai, ko bakea mulua tangennu ngen tun luyen bakea meket ko ngen mbin ko moi penan de coa ko kenlok.”

KISAH RASUL-RASUL 12:3

Waktau si kemliak bahwo hal'o semnang atei tun Yahudi, sesudo'o si meluak temaen Petrus kulo. Waktau'o Bilai Rayo Ruti Coa Beagai.

KISAH RASUL-RASUL 12:5

Awei yo ba Petrus tenaen neak lem sel. Tapi jemaat tekun de mu'one ngen Allah.

KISAH RASUL-RASUL 4:28

Tobo'o jijai do utuk menea kute sesuaktau, de sudo Ko temtau lebiak dute bahwo do'o bakea tejijai. Ngen Ko temtau do'o das kuaso ngen kelok-Nu suang.

KISAH RASUL-RASUL 4:3

Tobo'o tenakep ngen masuk moi lem sel sapei menne, kerno bilai bi kelemen.

KISAH RASUL-RASUL 5:18

Rasul-rasul o tenakep, lajau nasuk moi lem sel umum.

KISAH RASUL-RASUL 8:3

Tapi Saulus bogoa bae berusaho majua jemaat. Si lalau kunei umeak moi umeak ngen seme'et moi luea tun-tun masai, lajau mbin masuk tobo'o moi lem penjara.