KISAH RASUL-RASUL 1:5 - JANJAI BLAU Lem Bahaso Jang Bebilai

⁵ Sebab Yohanes membaptis ngen bioa, tapi coa an igai udi bakea neak baptis ngen Roh Sucai.”

KISAH RASUL-RASUL 1:5 ပူးပေါင်းရင်းမြစ်များ

MATIUS 3:11

Uku membaptis udi ngen bio'a betando udi bi tobat kunei duso-duso, tapi Si de bakea teko sesudo uku, bakea membaptis Udi ngen opoi ngen Roh Sucai kunei Allah. Si lebiak bekuaso kunei uku. Utuk mbin sepatu-Ne bae uku coa patas.

MATIUS 3:6

Tobo'o makau duso-dusone lajau Yohanes membaptis tobo'o neak Bioa Yordan.

MARKUS 1:8

Uku baptis ko ngen bioa, tapi Si bakea baptis ko ngen Roh Sucai.”

LUKAS 3:16

Do'o sebabne Yohanes madeak ngen tobo'o kute, “Uku baptis ko ngen bioa, tapi konyo bakea teko Tun de lebiak lai kunei uku. Mukok tilai sepatu-Ne kulo uku coa patut. Si bakea baptis ko ngen Roh Allah ngen opoi.

YOHANES 1:26

Yohanes jemawab tobo'o, “Uku membaptis ngen bioa. Tapi neak tengeak-tengeak udi je Si de coa udi namen.

YOHANES 1:31

Uku suang bel'o coa namen Si, tapi utuk'o ba uku teko membaptis ngen bioa supayo Si nyato ngen Israel.”

YOHANES 1:33

Waktau'o kulo uku coa kemnal Si. Tapi Si, de nutus uku utuk membaptis ngen bioa, sudo berfirman ngen uku, ‘Amen ko kemliak Roh'o tu'un moi das suang tun ngen tinggea neak das-Ne, Siba de bakea membaptis ngen Roh Sucai.’

KISAH RASUL-RASUL 10:45

Tun-tun Yahudi de pecayo ngen Yesus ngen temotoa Petrus kunei Yope, kute selle kemliak Allah melei kulo Roh-Ne ngen tun-tun bangso luyen de iso Yahudi.

KISAH RASUL-RASUL 19:4

Paulus madeak, “Baptisan Yohanes adeba baptisan tobat, si madeak ngen tun dau bahwo tobo'o harus pecayo ngen Si de teko sesudo kunei padone, adeba Yesus.”

1 KORINTUS 12:13

Awei'o kulo ite kute, baik tun Yahudi atau iso tun Yahudi, hamba-hamba atau tun-tun bebas; ite kute bi baptis ngen Roh de serai, supayo ite jenijai do ngen awok Kristus. Ite kute kulo meding Roh de do o sepenuakne.

TITUS 3:5

Si semlamat ite, iso kerno ite sudo menea sesuaktau de baik, tapi kerno Si suang mengasihi ite. Si semlamat ite liwet Roh Allah, de melei ite laher blau, idup blau, ngen dalen semucai ite.