KISAH RASUL-RASUL 1:4 - JANJAI BLAU Lem Bahaso Jang Bebilai

⁴ Pado waktau o Si bekopoa sesamo tobo'o, Si melei periteak yo ngen tobo'o, “Jibeak lalau kunei Yerusalem, ngen meluak tobo'o tinggea neak di mbot janjai Bapa, de awei de nadeak-Ne, sudo udi temi'uk kunei Uku.

KISAH RASUL-RASUL 1:4 ပူးပေါင်းရင်းမြစ်များ

MATIUS 10:20

Kerno de miling pado waktau'o iso udi, meluyen Roh Sucai kunei Bak de neak surgo, liwet udi.

LUKAS 11:13

Jijai amen udi de jahat namen melei pelei de baik ngen anok-anoknu. Jano igai Bapanu de neak surgo! Si bakea melei Roh Sucai ngen tobo'o de minoi ngen-Si.”

LUKAS 12:12

Sebab waktau'o kulo Roh Allah bakea majea udi jano de harus udi madeak.”

LUKAS 24:49

Ngen Uku bakea mbo ngen udi jano de jenanjai Bapa-Ku. Tapi udi arus tinggea neak lem kota yo sapei pasuak nelekep ngen kuaso kunei penan de lekat.”

YOHANES 14:16

Uku bakea minoi ngen Bak. Si bakea melei ngen udi Penolong de luyen, supayo si semerto udi seke'anne.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 20:22

Sesudo madeak awei o, Si kembus tobo'o ngen madeak, “Temimoba Roh Sucai.

YOHANES 7:39

De taine adeba Roh de bakea tenimo ngen tobo'o de pecayo ngen Si; kerno Yesus ati mulio.)

KISAH RASUL-RASUL 10:41

iso ngen kute bangso o, tapi ngen saksai-saksai, de ayokne bi tenunjuk ngen Allah. Keme de bi mukmei ngen menem besamo-samo ngen Si, sesudo Si idup igai kunei antaro tun matei.

KISAH RASUL-RASUL 2:33

Sesudo Si nelekat ngen tangen kanen Allah ngen temimo kunei Bapa, Roh Sucai de jenanjai o, mako nelei-Ne Roh o awei de udi kemliak ngen temi'uk neak yo.