KISAH RASUL-RASUL 1:3 - JANJAI BLAU Lem Bahaso Jang Bebilai

³ Sesudo Si matei, selamo pat puluak bilai Si cet kemten dirai ngen ca'o tete'ang ngen rasul-rasul o bahwo Si benea-benea idup. Tobo'o kemliak Si, Si miling ngen tobo'o awei ipe Allah meriteak awei Rajo.

KISAH RASUL-RASUL 1:3 ပူးပေါင်းရင်းမြစ်များ

MATIUS 21:43

“Jijai ingetba,” nadeak Yesus, “Kute hok sebagai umat bakea de cenabut kunei padonu ngen de nelei ngen suatu bangso de bakea maneu periteak-periteak Allah. [

MATIUS 28:9

Tetibo Yesus teko magea selawei-selawei'o ngen madeak, “Salam!” Lajau tobo'o ma'ok Si, sudo'o megep kekea-Ne ngen sembeak Si.

MATIUS 3:2

Si madeak, “Bertobatbah kunei duso-dusonu kerno Allah bakea segro meriteak sebagai Rajo!”

MATIUS 4:2

Sesudo puaso pat puluak bilai pat puluak malem. Yesus meraso nyemen.

MARKUS 16:19

Sesudo Tuhan Yesus miling awei yo ngen tobo'o, taketba Si moi surgo, lajau temot depeak kanen Allah.

YOHANES 20:26

Lapen bilai sesudo'o penotoa-penotoa Yesus ade igai lem umeak o ngen Tomas sesamo ngen tobo'o. Sementaro bang-bang tekucai, Yesus teko ngen je neak tengeak-tengeak tobo'o ngen madeak, “Damoi sejahtera utuk udi!”

YOHANES 21:1

Sesudo'o Yesus kemten dirai igai ngen penotoa-penotoa-Ne neak patoi Daneu Tiberias ngen Si kemten dirai awei berikut.

YOHANES 21:14

Do'oba ketelau kilaine Yesus kemten dirai ngen penotoa-penotoa-Ne sesudo Si idup igai kunei antaro tun matei.

KISAH RASUL-RASUL 13:31

Selamo kekedau waktau Si kemten dirai ngen tobo'o de motoa Si kunei Galilea moi Yerusalem. Tobo'oba de uyo jijai saksai-saksai-Ne utuk umat yo.

KISAH RASUL-RASUL 19:8

Selamo telau bulen Paulus teko moi umeak semyang neak di, miling ngen binai serto bedebat ngen tobo'o utuk supayo tobo'o yakin tetang Allah meriteak sebagai Rajo.

KISAH RASUL-RASUL 28:23

Lajau tobo'o ngen Paulus temtep bilai utuk temau. Pado bilai o tekoba tobo'o lem jumleak lai moi penan tinggea Paulus. Paulus tem'ang, melei saksai ngen tobo'o tetang Allah meriteak sebagai Rajo; temurut Hukum Taurat ngen Bukau Nebai-nebai, Paulus beusaho menea tobo'o pecayo tetang Yesus. Hal o berlangsung kunei pueng sapei pelbeak.

KISAH RASUL-RASUL 28:31

Ngen binai si melei namen ngen tobo'o tetang awei ipe Allah meriteak sebagoi Rajo ngen tetang Tuhan Yesus Kristus.

KISAH RASUL-RASUL 8:12

Tapi uyo tobo'o pecayo ngen Filipus de melei namen Bito Baik tetang Allah meriteak sebagai Rajo, tetang gen Yesus Kristus, Tobo'o dibaptis, baik semanei kulo selawei.

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

KOLOSE 1:13

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

1 TESALONIKA 2:12

Keme melei nasihat ngen udi, keme melei semangat ngen udi, ngen keme pakso udi supayo idup awei o sehinggo semnang atei Allah. Kerno Allah bi menok udi utuk jijai warga Dunio Blau Allah ngen meding kemulioan-Ne.

1 YOHANES 1:1

Isai su'et yo tetang firman de melei idup, adeba firman de sudo ade ayok mulone. Keme bi temi'ukne, kemliakne ngen matai keme su'ang. Keme bi kemliakne, bi megongne ngen tangen keme.