IBRANI 9:28 - JANJAI BLAU Lem Bahaso Jang Bebilai

²⁸ Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

IBRANI 9:28 ပူးပေါင်းရင်းမြစ်များ

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

MATIUS 25:31

“Amen Anok Manusio teko utuk ijai Rajo, kute malaikat-Ne bakea mi'ing Si. Si bakea temot neak penan Si meriteak.

MATIUS 26:28

Sebab dioba daleak-Ku, de ijai tando janjai de sah kunei Allah de tenu peak bagiak dau tun utuk mapun duso tobo'o.

YOHANES 14:3

Amen Uku lalau moi di ngen bi semiyap penan utuknu. Uku bakea teko igai mbin udi moi penan-Ku, supayo neak penan Uku ade, udi kulo ade.

KISAH RASUL-RASUL 1:11

Duai tun'o madeak ngen tobo'o, “Hoi tun-tun Galilea, getai udi je nanggeak moi lenget? Yesus yo, de taket moi surgo teminggea udi, bakea teko igai ngen ca'o de serai awei udi kemliak Si kenek moi surgo.”

ROMA 3:25

Kristus Yesus bi tentau Allah jijai dalen damoi kerno imen, lem daleak-Ne. Hal iyo nea-Ne utuk kemten keadilan-Ne, kerno Si bi munyau duso-duso de sudo tejijai bel'o pado maso kesabaran-Ne.

ROMA 5:15

Tapi karunio Allah coa serai ngen pelanggaran Adam. Sebab, amen kerno pelanggaran do tun kute tun bi us moi lem kuaso maut, uak lebiak lai kasih karunio Allah ngen karunio-Ne, de nelei-Ne das kute tun kerno do tun, adeba Yesus Kristus.

ROMA 6:10

Sebab kematian-Ne adeba kematian teadep duso, debat bae ngen utuk seke'anne, ngen idup-Ne adeba idup utuk Allah.

ROMA 8:23

Ngen iso cuma tobo'o bae, tapi ite de sudo temimo karunio pertamo Roh Allah, ite kulo gerunyam lem atei ite samo mbot pengangkatan sebagai anok, adeba pembebasan awok ite.

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

1 KORINTUS 1:7

sehinggo udi coa ku'ang jejano lem karunio jano bae sementaro udi mbot Tuhante Yesus Kristus teko ngen kenliak kute tun.

1 KORINTUS 15:54

Amen awok de dapet matei sudo genitei ngen awok de coa dapet matei, ngen awok de kunei dunio sudo genitei ngen awok de kunei surgo, pado waktau o baruba tejijai jano de tetulis lem Kiteb Sucai, “Kematei sudo nenyep; kemenangan sudo dapet!”

1 TESALONIKA 1:10

Tobo'o miling kulo tetang awei ipe udi ma'ep tekone Anok Allah kunei surgo, adeba Yesus, de sudo nidup Allah kunei matei. Yesus do'oba kulo de semlamat ite kunei hukuman Allah de bakea teko.

2 TESALONIKA 2:1

Tetang tekone Tuhan te Yesus Kristus, ngen tetang bakea kenopoane ite utuk tinggea besamo Si, dioba de uku minoi nien kunei udi:

2 TIMOTIUS 4:8

Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.

TITUS 2:13

Uyo ite gidong mbot Bilai de ite ma'ep o; pado Bilai o dunio bakea kemliak keagungan Yesus Kristus, adeba Allah Mahabesar ngen Rajo Penyelamat ite.

IBRANI 1:14

Amen awei o, malaikat-malaikat o jano sebeneane? Tobo'o adeba roh-roh de melayan Allah, de neluak Allah utuk temulung tun-tun de bakea tenimo keselamatan.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 12:14

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.

IBRANI 2:3

Jano igai ngen keselamatan de lebiak lai kunei pesen-pesen o! Amen ite coa melei perhatian teadep keselamatan o, paset ite coa bakea bebas kunei hukuman. Sebab Tuhan suangba de pertamo sekilai melei namen keselamatan o, tun-tun de dute temi'ukne bi melei bukti kebenaranne ngen ite.

IBRANI 4:15

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

IBRANI 7:27

Si coa awei imem-Imem Lai de luyen, de tiep bilai harus melei kurban kerno duso-dusone suang bel'o, tembei kerno duso-duso umat. Yesus melei kurban cuma debat bae utuk selamo-lamone, ketiko Si melei dirai-Ne suang utuk kurban.

IBRANI 9:25

Imem Lai Yahudi tiep-tiep taun masuk moi Ruang Mahasucai neak lem Umeak Tuhan ngen mbin daleak dikup benatang. Tapi Kristus coa masuk utuk melei dirai-Ne berulang-ulang.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

2 PETRUS 3:12

selamo udi mbot ngen indau tekone Bilai Allah. Pado bilai o lenget bakea abis tekembem, ngen kerno panesne, mako benda-benda neak lenget bakea ajua.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

YUDAS 1:21

ngen idupba terus neak lem naungan kasih Allah selamo udi mbot rahmat Yesus Kristus Tuhan ite, de bakea melei ngennu idup sejati ngen kekal.

WAHYU 1:7

Keliak, si teko ngen embun-embun! Kute tun bakea kemliak Si, termasuk kulo tobo'o de sudo temikem-Ne. Kute bangso neak bumai bakea ibo kerno Si. Au, paset! Amin!