IBRANI 9:26 - JANJAI BLAU Lem Bahaso Jang Bebilai

²⁶ Sebab amen awei o, do'o taine Si bi cet saro sejok dunio yo ade. Tapi nyatone, uyo pado zaman akhir yo, Si teko debat bae utuk mapus duso ngen melei dirai-Ne suang.

IBRANI 9:26 ပူးပေါင်းရင်းမြစ်များ

MATIUS 13:39

Musuak de temanem lalang'o adeba Iblis. Maso panen adeba Bilai Kiamat, ngen tun-tun de manen'o adeba malaikat-malaikat.

MATIUS 13:40

Awei'o lalang nelungguk ngen nemben neak lem opoi, awei'o kulo pado Bilai Kiamat be.

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 17:24

Au Bapa, Uku lok supayo, neak ipe bae Uku ade, tobo'o kulo ade sesamo ngen Uku, tobo'o de sudo Ko melei ngen-Ku, supayo tobo'o kemliak kemulio-Ku de sudo Ko melei ngen-Ku, sebab Ko bi mengasiak Uku ayok dunio jenijai.

1 KORINTUS 10:11

Kute hal o tejijai ngen tobo'o utuk jijai contoh bagiak tun luyen. Ngen kutene o tetulis kulo utuk jijai penginget ngen ite. Sebab ite uyo idup neak maso akhir zaman.

GALATIA 4:1

De uku maksud adeba: selamone suang ahli waris masiak neak beak omor, si nanggap tun serai awei suang hamba, kunyau sebeneane si de temuan kute hok o.

EFESUS 1:10

Rencano o adeba supayo kute sesuaktau, baik de neak surgo atau de neak bumai, jijai do ngen Kristus sebagoi pemipin. Hal o bakea senlesei ngen Allah amen bi sapei waktaune.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 10:12

Sebelekne, Kristus melei cuma do kurban utuk pengampunan duso, kurban o berlaku utuk selamo-lamone. Sesudo melei kurban o, Kristus temot neak peak kanen Allah ngen meriteak besamo-samo ngen Si.

IBRANI 10:26

Sebab amen bito de benea kunei Allah bi senapei ngen ite, tapi ite trus bae sengajo menea duso, mako coa ade igai kurban utuk mapus duso ite.

IBRANI 10:4

sebab memang daleak sapai ngen kambing sebong coa mapus duso.

IBRANI 4:3

Tapi ite de pecayo temimo istirahat de jenanjai Allah o. Do'o cocok ngen jano de nadeak Allah, awei yo, “Uku mengiak ngen supeak, ‘Tobo'o coa bakea masuk utuk dapet istirahat besamo Uku.’ ” Allah madeak awei o kunyau pekerjaan-Ne bi selsei sejak Si menea dunio yo.

IBRANI 7:27

Si coa awei imem-Imem Lai de luyen, de tiep bilai harus melei kurban kerno duso-dusone suang bel'o, tembei kerno duso-duso umat. Yesus melei kurban cuma debat bae utuk selamo-lamone, ketiko Si melei dirai-Ne suang utuk kurban.

IBRANI 9:12

Kristus masuk Ruang Mahasucai neak lem kemah o cuma debat bae utuk seke'anne. Pado waktau o Si coa mbin daleak kambing sebong atau daleak anok sapai utuk senreak; Si mbin daleak-Ne suang, ngen awei o Si mbebas ite utuk seke'anne.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

1 PETRUS 1:20

Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.

WAHYU 13:8

Benatang o bakea senbeak kute tun de idup neak dunio, kecuali tun-tun de genne bi terdaftar ayok dunio ade, neak lem bukau tun idup milik Anok Bebirai de sudo sembeliak.

WAHYU 17:8

Benatang o bel'o perneak idup, tapi uyo bi matei. Si tegoa igai bakea keluea kunei jurang maut ngen bakea lalau moi kebinasaan. Tun-tun de idup neak bumai, de genne coa terdaftar lem Bukau Tun Idup ayok dunio ade bakea sele amen kemliak benatang o. Sebab benatang o perneak idup. Uyo si bi matei, tapi si bakea teko igai.