IBRANI 9:16 - JANJAI BLAU Lem Bahaso Jang Bebilai

¹⁶ Amen ade su'et warisan, harus kulo ade buktine bahwo tun de menea su'et o bi ninggea.

IBRANI 9:16 ပူးပေါင်းရင်းမြစ်များ

ROMA 5:12

Sebab o, serai awei duso bi masuk moi lem dunio kerno do tun, ngen kerno doso o kulo maut, awei'oba maut bi sapei ngen kute tun, kerno kute tun bi menea duso.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

1 KORINTUS 15:22

Aweipe kute manusio matei kerno do ngen Adam, awei'o kulo kute bakea nidup, kerno do ngen Kristus.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 9:15

Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

IBRANI 9:17

Kerno su'et warisan coa berlaku selamo tun de meneane masiak idup. Su'et o berlaku cuma sesudo tun o matei.

YAKOBUS 2:10

Tun de melangea saleak do kunei Hukum-hukum Allah, tai'ne melanggea kutene.