IBRANI 9:15 - JANJAI BLAU Lem Bahaso Jang Bebilai

¹⁵ Do'oba sebabne Kristus jijai Pengantara utuk suaktau janjai de blau, supayo tun de sudo nok Allah dapet temimo berkat-berkat kekal de sudo jenanjai Allah. Kutene o dapet tejijai kerno bi ade de matei, adeba Kristus; ngen mateine Kristus o mbebas tun kunei saleak-saleak de tobo'o nea waktau janjai de pertamo masiak berlaku.

IBRANI 9:15 ပူးပေါင်းရင်းမြစ်များ

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 22:3

Rajo'o mluak pelayan-pelayanne lalau mapet tun-tun de nundang moi pesta'o. Tapi tobo'o coa lok teko.

MATIUS 25:34

Sudo'o Rajo'o bakea madeak ngen tobo'o neak depeak kanen-Ne, ‘Maro, udi de melei rahmat ngen Bak-Ku. Masukba neak lem Kerajaan de bi sendio bagiaknu, sejok dunio jenijai.

MATIUS 25:36

Uku coa keracok, udi melei keracok, Uku bolon, udi murus Uku, waktau neak sel udi temulung Uku.’

MARKUS 10:17

Pado waktau Yesus temrus pemaneu-Ne, tekoba suang tun ngacap magea Yesus ngen samo sujud neak adep-Ne si betanye, “Gu'au de baik, jano de harus Uku menea utuk dapet idup de kekal?”

LUKAS 18:18

Ade suang pemipin temanye ngen Yesus, nadeakne, “Gu'au de baik, jano de harus uku menea utuk dapet idup de kekal?”

LUKAS 22:20

Awei'o kulo nea-Ne ngen makuk anggur sesudo mukmei; Si madeak, “Makuk anggur yo adeba perjanjian belau de nsah ngen daleak-Ku, de tenupeak bagiak udi.”

YOHANES 10:28

Uku melei idup de kekal ngen tobo'o ngen coa bakea benaso sapei seke'anne ngen coa suang tun mok tobo'o kunei tangen-Ku.

KISAH RASUL-RASUL 20:32

Uyo uku semreak udi ngen Allah kunyau Si de miaro udi, kunyau udi bepegong pado bito anugrah Allah. Allah temuan kuaso utuk kemuet udi, melei ngen ko berkat-berkat de sudo sendio-Ne utuk kute umat-Ne.

ROMA 5:10

Pado waktau ite jijai musuak, Allah bi demamoi ite liwet kematian Anok-Ne. Telebiak uyo, ketiko ite sudo bi demamoi, pasetba ite bi demamoi-Ne, liwet idup-Ne!

ROMA 5:6

Kerno waktau ite masiak lemah, Kristus bi matei utuk ite tun-tun durhako pado waktau de temtau Allah.

ROMA 5:8

Tapi Allah kemten kasih-Ne ngen ite, kerno Kristus bi matei utuk ite, ketiko ite masiak beduso.

ROMA 6:23

Sebab upeak duso adeba maut; tapi karunio Allah adeba idup de kekal lem Kristus Yesus, Tuhan ite.

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

ROMA 8:30

Ngen tobo'o de tentau-Ne kunei semulo, tobo'o kulo nok-Ne. Ngen tobo'o de nok-Ne, tobo'o kulo benea-Ne. Ngen tobo'o de benea-Ne, tobo'o kulo mulia-Ne.

ROMA 9:24

adeba ite, de sudo nok-Ne iso cuma kunei antaro tun Yahudi, tapi kulo kunei antaro bangso-bangso luyen.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

GALATIA 3:20

Nah, harus ade duai pihok, baruba perlu suang perantara. Tapi Allah coa perlu perantara, sebab Si suang bertindok.

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

2 TESALONIKA 2:14

Utuk do'oba Allah menok udi liwet Bito Baik de keme melei namen ngen udi. Allah menok udi, kerno Si lok supayo udi milau meding kemuliaan Tuhan ite Yesus Kristus.

1 TIMOTIUS 2:5

Sebab, cuma ade do Allah, ngen cuma do penengeak antaro Allah ngen manusio, adeba Kristus Yesus.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

TITUS 3:7

supayo rahmat Yesus, menea ite baik igai ngen Allah, ite temimo idup sejati ngen kekal.

IBRANI 10:34

ngen udi meding ibo tun de neak lem sel. Ketiko kute de udi temuan mok tun, udi temimo o ngen riang atei, sebab udi namen bahwo udi masiak temuan suaktau de lebiak baik, de bakea taen sekeanne.

IBRANI 10:36

Udi perlu sabar, supayo udi dapet menea kelok Allah ngen awei o temimo jano de jenanjai-Ne.

IBRANI 11:13

Kute tun o tep beriman sapei matei. Tobo'o coa temimo hal-hal de jenanjai Allah, tapi cuma kemliak ngen semambutne kunei uak. Ngen o tobo'o madeak bahwo tobo'o cuma tun asing ngen peratau neak bumai yo.

IBRANI 12:24

Udi teko madep Yesus, Pengantara utuk janjai de belau o; udi madep daleak percikan de menjamin hal-hal de uak lebiak baik kunei de jenamin daleak Habel.

IBRANI 13:20

Allah bi midup Tuhan ite Yesus kunei matei. Kerno matei-Ne o Si uyo jijai Gembala Agung bagiak ite, adeba bebirai-bebirai-Ne. Kematian-Ne o kulo mbin igai perjanjian kekal de nea Allah ngen ite.

IBRANI 2:14

Kerno tun-tun de Si senbut anok o, adeba makhluk manusio de dapet matei, mako Yesus suang jijai serai ngen tobo'o, idup lem keadaan manusio. Si menea awei o, supayo ngen mateine Si dapet majua Iblis de kemuaso kematian.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 6:13

Ketiko Allah melei janjai ngen Abraham, Si besupeak bahwo Si bakea menea jano de sudo jenanjai-Ne. Ngen kerno coa ade de lebiak lekat kunei Allah, mako Si besupeak das gen-Ne suang.

IBRANI 6:15

Abraham mbot ngen sabar, mako si temimo jano de jenanjai Allah ngen si.

IBRANI 7:22

Ngen dio kulo Yesus jijai jaminan utuk suaktau janjai de lebiak baik.

IBRANI 8:13

Ngen madeak suaktau janjai de blau, Allah menea janjai de pertamo o jijai tuai ngen usang; jano de sudo tuai, bakea segro nyep.

IBRANI 9:12

Kristus masuk Ruang Mahasucai neak lem kemah o cuma debat bae utuk seke'anne. Pado waktau o Si coa mbin daleak kambing sebong atau daleak anok sapai utuk senreak; Si mbin daleak-Ne suang, ngen awei o Si mbebas ite utuk seke'anne.

IBRANI 9:16

Amen ade su'et warisan, harus kulo ade buktine bahwo tun de menea su'et o bi ninggea.

IBRANI 9:28

Awei o kulo Kristus debat bae senreak sebagai kurban utuk mapus duso tun dau. Si bakea teko igai keduai kilaine, iso utuk semlesei persoalan duso, tapi utuk semlamat tun-tun de mbot Si.

YAKOBUS 1:12

Riangba tun de sabar pado waktau si cenubo. Sebab sesudo si berasea taen lem cobaan o, si bakea temimo upeakne, adeba idup de sudo jenanjai Allah ngen tun-tun de cito ngen Allah.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 PETRUS 5:10

Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

1 YOHANES 2:25

Dioba de jenanjai Kristus su'ang ngen ite: idup sejati ngen kekal.

WAHYU 5:9

Tobo'o mbin legau de blau: “Ko layak mok bukau o ngen mecuak segel-segelne Sebab Ko bi nunuak, ngen kematian-Nu, manusio kunei kute suku, bahaso, negara ngen bangsa bi nukuanu utuk Allah.