IBRANI 9:14 - JANJAI BLAU Lem Bahaso Jang Bebilai

¹⁴ Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

IBRANI 9:14 ပူးပေါင်းရင်းမြစ်များ

MATIUS 12:28

Tapi Uku musir roh jahat ngen kuaso Roh sucai kunei Allah. Ngen do'o taine bahwa Allah bi muloi meriteak neak tengeak-tengeak udi.

MATIUS 16:16

Simon Petrus jemawab, “Bak adeba Rajo Penyelamat, Anok Allah De Idup.”

MATIUS 20:28

Samo awei Anok Manusio'o kulo; Si teko coa utuk nelayan, tapi utuk mlayan ngen semreak nyabaine utuk mbebas tun dau.”

MATIUS 7:11

Amen udi de jahat, namen melei de baik ngen anok-anoknu. Jano igai Baknu neak surgo! Si bakea melei de baik ngen tobo'o de minoi ngen-Si.

LUKAS 1:74

supayo ite, lepas kunei tangen musuak, supayo ite dapet semyang ngen-Si coa saben,

LUKAS 12:24

Kenliakba burung-burung gagak! Tobo'o coa temanem, coa panen, coa kulo temuan gudang atau tuoa. Tapi Allah semido tobo'o! Ko uak lebiak bego kunei burung-burung!

LUKAS 12:28

Jijai, amen dukut, de bilai yo ade ngen men nuang moi lem opoi awei o kulo nerias Allah, jano igai udi, hoi tun de ku'ang pecayo!

LUKAS 4:18

“Roh Tuhan ade pado-Ku, ngen sebab Si bi melatik Uku, utuk semapei Bito Baik ngen tun-tun peset. Ngen Si bi mutus Uku utuk melei bito tetang bebas tun-tun tahanan, ngen pengeliak bagiak tun-tun sutai, utuk mbebas tun-tun de jijai budok,

YOHANES 3:34

Sebab api de nutus Allah, Siba de senapei Firman Allah, kerno Allah melei karunio Roh-Ne ngen ade batas.

KISAH RASUL-RASUL 1:2

sapei waktau bilai Si naket moi Surgo. Ayok o Si bi melei periteak-Ne liwet Roh Sucai ngen rasul-rasul de miliak-Ne.

KISAH RASUL-RASUL 10:38

Udi namen bahwo Allah bi miliak Yesus tun Nazaret o, melei namen ngen-Si Roh Sucai ngen kuaso. Udi namen kulo bahwo Yesus o lalau moi ipe bae utuk menea baik, Si kemaen kute tun de kenuaso Iblis, kerno Allah semerto Si.

KISAH RASUL-RASUL 14:15

“Hoi udi kute, getai udi menea awei yo? Keme yo manusio biaso serai awei udi. Keme ade neak yo utuk melei namen Bito Baik ngen udi, supayo udi teminggea hal-hal de coa beguno ngen belek ngen Allah de idup, de sudo cemipto lenget, bumai, laut ngen kute si'ingne.

KISAH RASUL-RASUL 15:9

Allah samo sekilai coa mbeda antaro ite ngen tobo'o, sesudo Si semucai atei tobo'o ngen imen.

ROMA 1:20

Sebab jano de coa keten kunei pado-Ne, adeba kekuatan-Ne de kekal ngen keilahian-Ne, dapet keten ngen pekeran kunei karya-Ne sejok dunio ceniptone, sehinggo tobo'o coa temuan alasan.

ROMA 1:4

tapi seca'o ilahi ternyato adeba Anok Allah. Do'o tebukti ngen kuaso de luea biaso liwet idup-Ne igai kunei matei.

ROMA 11:12

Sebab amen pelanggaran tobo'o temuan tai kekayaan bagiak dunio, ngen kekurangan tobo'o kekayaan bagiak bangso-bangso luyen, lebiak-lebiak igai kesempurnaan tobo'o.

ROMA 11:24

Sebab amen udi bi tentok sebagai dan kunei pun zaitun liar, ngen belawen ngen keadaannu o udi bi cenakuk neak pun zaitun sejati, lebiak igai tobo'o yo, de temurut asal tobo'o bakea cenakuk neak pun zaitun tobo'o su'ang.

ROMA 6:13

Ngen jibeakba udi semreak anggota-anggota awoknu ngen duso utuk nakei sebagai senatai kelaliman, tapi senreakba dirainu ngen Allah sebagai tun-tun, de bel'o matei, tapi de uyo idup. Ngen senreakba anggota-anggota awoknu ngen Allah utuk jijai senatai-senatai kebenaran.

ROMA 6:22

Tapi uyo, sesudo udi bebas kunei duso ngen sesudo udi jijai hamba Allah, udi dapet asea de mbin udi moi kesucian ngen sebagai kesudone adeba idup de kekal.

1 KORINTUS 15:45

Lem Kiteb Sucai tetulis aweiyo, “Manusio de pertamo, adeba Adam, jijai makhluk de idup,” tapi Adam de terakhir adeba Roh de melei idup.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

GALATIA 2:19

Tapi uku bi matei ngen hukum agamo utuk hukum agamo, supayo uku idup utuk Allah. Uku bi senalib ngen Kristus.

EFESUS 2:5

sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

EFESUS 5:2

Idupba neak lem kasih, awei ipe Kristus Yesus kulo bi mengasihi udi ngen bi semreak dirai-Ne utuk ite sebagoi persembahan ngen kurban de semnang atei Allah.

1 TESALONIKA 1:9

Kute tun miling tetang awei ipe udi temimo keme ketiko keme bel'o teko ngen udi. Tobo'o miling tetang awei ipe udi teminggea patung-patung, teko ngen do-done Allah de idup utuk mengabdi ngen-Si.

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 10:10

Yesus Kristus bi menea jano de kenlok Allah ngen semreak dirai-Ne sebagai kurban. Ngen persembahan o, de nea-Ne cuma debat bae utuk seke'anne, ite kute senucai kunei duso.

IBRANI 10:12

Sebelekne, Kristus melei cuma do kurban utuk pengampunan duso, kurban o berlaku utuk selamo-lamone. Sesudo melei kurban o, Kristus temot neak peak kanen Allah ngen meriteak besamo-samo ngen Si.

IBRANI 10:2

Amen tun-tun de nyembeak Allah o benea-benea bi senucai kunei duso, tobo'o coa igai bakea temuan perasaan beduso, kurban coa bakea nelei igai.

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

IBRANI 11:21

Kerno berimen, mako ayok Yakub ningea, Si melei berkatne ngen anok-anok Yusuf – ngen besandea neak ulau tokotne ngen nyembeak Allah.

IBRANI 13:12

Do'oba sebabne Yesus kulo matei neak luea gerbang kota utuk semucai umat-Ne kunei duso ngen daleak-Ne suang.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 6:1

Kerno'o, maroba ite melakeak moi pelajaran-pelajaran tetang kehidupan Kristen de dewasa, jibeak cuma kemliak syari'ah ajaran agamo ite. Jibeak ite mulang igai pelajaran dasar bahwo tun harus bedan menea hal-hal de coa ade gunone, harus pecayo ngen Allah,

IBRANI 7:16

Si naket jijai imem, iso kerno peraturan-peraturan manusio, meluyen kerno idup-Ne de berkuaso ngen de coa ade abisne.

IBRANI 7:27

Si coa awei imem-Imem Lai de luyen, de tiep bilai harus melei kurban kerno duso-dusone suang bel'o, tembei kerno duso-duso umat. Yesus melei kurban cuma debat bae utuk selamo-lamone, ketiko Si melei dirai-Ne suang utuk kurban.

IBRANI 9:12

Kristus masuk Ruang Mahasucai neak lem kemah o cuma debat bae utuk seke'anne. Pado waktau o Si coa mbin daleak kambing sebong atau daleak anok sapai utuk senreak; Si mbin daleak-Ne suang, ngen awei o Si mbebas ite utuk seke'anne.

IBRANI 9:26

Sebab amen awei o, do'o taine Si bi cet saro sejok dunio yo ade. Tapi nyatone, uyo pado zaman akhir yo, Si teko debat bae utuk mapus duso ngen melei dirai-Ne suang.

IBRANI 9:7

De masuk moi bagian paling lem kunei kemah o cuma Imem Agung bae. Si menea o cuma taun debat. Do'o neane ngen mbin daleak utuk neleine ngen Allah kerno diraine suang, kerno duso-duso de nea umat-Ne ngen coa sadar.

IBRANI 9:9

Dio lambang zaman uyo; taine bahwo persembahan-persembahan ngen kurban-kurban benatang de senreak ngen Allah, coa dapet jemijai atei nurani tun de mbin persembahan jijai sempurno.

1 PETRUS 1:19

meluyen sesuaktau de kembiak bego; adeba dirai Kristus suang, de jijai sebagai bebirai coa ade cacet ngen cela de kenorban ngen Allah.

1 PETRUS 2:22

Si coa perneak menea duso, ngen coa perneak su'ang tun kulo temi'uk Si mike.

1 PETRUS 2:24

Kristus su'ang musung duso-duso ite pado dirai-Ne neak das kieu salib, supayo ite bebas kunei kuaso duso, idup temurut kelok Allah. Sileak-sileak Kristusba de kema'en udi.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,