IBRANI 7:6 - JANJAI BLAU Lem Bahaso Jang Bebilai

⁶ Melkisedek iso royot Lewi, tapi si temimo kulo puluak persen kunei kute de nbut Abraham, de memberkati kulo Abraham de justru bi temimo janjai-janjai kunei Allah.

IBRANI 7:6 ပူးပေါင်းရင်းမြစ်များ

KISAH RASUL-RASUL 3:25

Janjai-janjai kunei Allah de senapei nebai-nebai adeba utuk pasuak-pasuak. Lem janjai de Allah nea ngen ninik puyangnu, Allah madeak ngen Abraham awei yo kunei, ‘Royotnu Uku bakea memberkati kute bangso neak bumai.’ Janjai o adeba utuk udi kulo.

ROMA 4:13

Sebab iso kerno hukum agamo Yahudi sudo nelei janjai ngen Abraham ngen royotne, bahwo si bakea temuan dunio, tapi kerno kebenaran, das dasar imen.

ROMA 9:4

Sebab tobo'o adeba tun Israel, tobo'o bi naket jijai anok, ngen tobo'o bi temimo kemuliaan, janjai-janjai, ngen hukum agamo Yahudi.

GALATIA 3:16

Janjai-janjai Allah nea Allah utuk Abraham ngen utuk tun royot Abraham. Lem Kiteb Sucai coa tetulis “ngen utuk tun-tun royot Abraham”, de taine dau tun. De tetulis neak di adeba “ngen utuk tun royotnu”, taine do tun bae, adeba Kristus.

IBRANI 11:13

Kute tun o tep beriman sapei matei. Tobo'o coa temimo hal-hal de jenanjai Allah, tapi cuma kemliak ngen semambutne kunei uak. Ngen o tobo'o madeak bahwo tobo'o cuma tun asing ngen peratau neak bumai yo.

IBRANI 11:17

Kerno berimen kulo, mako Abraham melei Ishak sebagai kurban ketiko si cenubo Allah. Ngen Abrahamba Allah melei janjai-Ne, tapi Abraham rela semreak anokne dedone o.

IBRANI 7:1

Melkisedek yo adeba rajo kunei Salem ngen imem Allah De Mahalekat. Waktau Abraham belek igai kunei pertempuran maleak rajo-rajo, Melkisedek teko semambut si ngen memberkatinya.

IBRANI 7:7

Memang coa nam mbantah bahwo tun de dapet berkat adeba lebiak rendeak kunei tun de melei berkat.