IBRANI 7:26 - JANJAI BLAU Lem Bahaso Jang Bebilai

²⁶ Jijai, Yesus do'oba Imem Lai de ite perlu. Si sucai; ngen-Si coa ade saleak atau duso jano bae. Si cen'ei kunei tun-tun beduso, ngen naket sapei moi penan de lebiak lekat kunei kute lenget.

IBRANI 7:26 ပူးပေါင်းရင်းမြစ်များ

MATIUS 27:18

Pilatus madeak awei'o sebab si namen bahwa pemipin-pemipin Yahudi semreak Yesus ngen si kerno tobo'o kidek atei.

MARKUS 16:19

Sesudo Tuhan Yesus miling awei yo ngen tobo'o, taketba Si moi surgo, lajau temot depeak kanen Allah.

LUKAS 1:35

Jawab malaikat o ngen si, “Roh Sucai bakea tu'un das ko ngen kuaso Allah De Kembiak lekat bakea melindung ko; sebab o anok de bakea ko melaher o bakea senbut Sucai, Anok Allah.

LUKAS 23:22

Nadeak Pilatus utuk ketelau kilaine ngen tobo'o, “Kesaleak jano de sebeneane bi Si menea? Coa ade kesaleak de uku dapet pado-Ne, de setipal ngen ukuman matei. Jijai uku bakea melipai Si, lajau melepas-Ne.”

LUKAS 23:41

Ukuman ite memang setipal, sebab ite temimo bales de setipal ngen plep ite, tapi tun yo coa menea sesuaktau de saleak.”

LUKAS 23:47

Ketiko kepalo pasukan kemliak jano de tejijai, si mujai Allah, nadeakne, “Sungguak, tun yo adeba tun benea!”

LUKAS 24:26

Mesias arus malami saro kutene o utuk masuk moi lem kemulio-Ne.”

LUKAS 24:46

Nadeak-Ne ngen tobo'o, “Ade tetulis awei yo: Mesias arus saro ngen idup igai kunei antaro tun matei pado bilai de ketelau.

YOHANES 14:30

Coa dau igai Uku madeak ngen udi, sebab penguaso dunio yo teko, si coa kuaso didik kulo das dirai-Ku.

YOHANES 8:29

Si, de sudo mutus Uku, semerto Uku. Si coa perneak teminggea Uku suang, sebab Uku bogoa menea jano de semnang atei-Ne.”

KISAH RASUL-RASUL 3:14

Tapi udi bi temulok De Sucai ngen Benea, ngen lok tukang munuak utuk hadiah ngen udi.

KISAH RASUL-RASUL 4:27

Sebab Herodes ngen Pontius Pilatus bi menea pertemuan ngen tun-tun de coa kemnal Tuhan ngen tun-tun Israel neak kota yo. Tobo'o temau utuk melawen Yesus Hambo-Nu de sucai o, de sudo Ko maket jijai Rajo Penyelamat.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

IBRANI 2:10

Memang bi sepatutne Allah – de menea kute sesuaktau utuk maksud-Ne su'ang – menea Yesus penyelamat de sempurno liwet penderitaan. Ngen o Allah dapet majok dau tun utuk turut diagungkan besamo Yesus. Sebab Siba meretes dalen bagiak tobo'o utuk dapet selamat.

IBRANI 2:17

Dio taine bahwo Si harus jijai serai ngen saudaro-saudaro-Ne lem kute hal. Ngen o Si dapet jijai Imem Lai de setia ngen penuak kasiak. Ngen pelayanan-Ne o duso manusio dapet napun.

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 7:11

Neak beak pipinan imem-imem Lewi, hukum agamo Yahudi nelei ngen umat Israel. Kerno imem-imem Lewi bel'o o coa dapet menea seca'o sempurno jano de harus neane, mako harus ade imem luyen, adeba de awei Imem Melkisedek, ngen iso kunei golongan Imem Harun igai!

IBRANI 8:1

Inti kunei kute kecek yo adeba: Ite temuan Imem Lai de awei o, de temot meriteak besamo Allah Mahabesar neak surgo.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

1 PETRUS 1:19

meluyen sesuaktau de kembiak bego; adeba dirai Kristus suang, de jijai sebagai bebirai coa ade cacet ngen cela de kenorban ngen Allah.

1 PETRUS 2:22

Si coa perneak menea duso, ngen coa perneak su'ang tun kulo temi'uk Si mike.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.

1 YOHANES 2:2

Ngen liwet Yesus Kristus o ba duso-duso ite napun. Iso duso-duso ite bae, tapi duso kute umat manusio kulo.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

WAHYU 3:7

“Ngen malaikat jemaat neak Filadelfia, tulisba awei yo: Dioba pesen kunei Si de sucai ngen sejati. Siba de megong kucai Daud; amen Si mukok, coa suang kulo dapet kematupne, ngen amen Si kematupne, coa suang kulo dapet mukokne.