IBRANI 7:25 - JANJAI BLAU Lem Bahaso Jang Bebilai

²⁵ Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

IBRANI 7:25 ပူးပေါင်းရင်းမြစ်များ

YOHANES 14:13

Jano bae de udi minoi lem gen-Ku, Uku bakea kemerjone, supayo Bak nujai lem Anok.

YOHANES 14:16

Uku bakea minoi ngen Bak. Si bakea melei ngen udi Penolong de luyen, supayo si semerto udi seke'anne.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

ROMA 5:10

Pado waktau ite jijai musuak, Allah bi demamoi ite liwet kematian Anok-Ne. Telebiak uyo, ketiko ite sudo bi demamoi, pasetba ite bi demamoi-Ne, liwet idup-Ne!

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 8:34

Kristus Yesus, de sudo matei? Bahkan lebiak igai, de sudo idup igai, de kulo temot neak peak kanen Allah, de malah jijai Pembela ite?

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

EFESUS 2:18

Kerno liwet Kristus, ite kute jijai do dapet pa'ok ngen sang Bapa.

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

EFESUS 3:20

Allah dapet nea lebiak dau kunei pado de ite demu'o atau ite neker, awei kuaso Allah de giat bekerjo neak lem diraite.

FILIFI 3:21

Awokte de lemah ngen dapet ajua yo, Kristus bakea mubeak jijai awei awok-Ne suang de mulio. Si dapet menea o kerno Si temuan kuaso utuk maleak kute sesuaktau.

1 TIMOTIUS 2:5

Sebab, cuma ade do Allah, ngen cuma do penengeak antaro Allah ngen manusio, adeba Kristus Yesus.

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

IBRANI 11:6

Coa ade imen, coa suang kulo dapet semnang atei Allah. Sebab tun de teko ngen Allah harus pecayo bahwo Allah ade, ngen bahwo Allah melei bales ngen tun de mesoa-Ne.

IBRANI 13:15

Sebab o, liwet Yesus, lokba ite bogoa mujai-mujai Allah; do'o adeba kurban syukur ite ngen-Si, de ite melei liwet ucapan bibia utuk memuliakan gen-Ne.

IBRANI 2:18

Ngen kerno Si suang perneak saro ngen cenubo, Si dapet temulung tun-tun de dapet cobaan.

IBRANI 2:9

Tapi ite bi kemliak Yesus berkuaso! Si jenijai rendeak didik kunei malaikat utuk waktau de siket, supayo das kebaikan atei Allah Si dapet matei utuk kute umat manusio. Ite kemliak Si uyo nelei penan de mulio ngen terhormat kerno Si bi menderita sapei matei.

IBRANI 5:7

Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.

IBRANI 7:16

Si naket jijai imem, iso kerno peraturan-peraturan manusio, meluyen kerno idup-Ne de berkuaso ngen de coa ade abisne.

IBRANI 7:19

Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.

IBRANI 7:24

Tapi Yesus idup selamo-lamone, jijai jabatan-Ne sebagai imem coa baliak ngen tun luyen.

IBRANI 7:8

Imem-imem de timimo puluak persen bagian o adeba tun de pacok matei. Tapi temurut Kiteb Sucai, Melkisedek de temimo pelei puluak persen bagian o adeba tun de tep idup.

IBRANI 9:24

Sebab Kristus coa masuk moi Ruang Sucai nea manusio, de cuma jijai lambang Ruang Sucai de sebeneane. Kristus masuk moi surgo suang; neak di Si uyo madep Allah utuk kepetingan ite.

YUDAS 1:24

Allah, de sanggup jemago supayo udi coa us, ngen de sanggup mbinnu moi hadirat-Ne de mulio ngen sukocito ngen coa ade cacet,