IBRANI 7:19 - JANJAI BLAU Lem Bahaso Jang Bebilai

¹⁹ Hukum agamo Yahudi coa dapet menea sesuaktau kulo jijai sempurno. Do'o sebabne ite uyo nelei harapan de lebiak baik; ngen o ite dapet ma'ok Allah.

IBRANI 7:19 ပူးပေါင်းရင်းမြစ်များ

YOHANES 1:17

Sebab Hukum Taurat nelei liwet Musa. Tapi anugrah ngen benea teko liwet Yesus Kristus.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

KISAH RASUL-RASUL 13:39

Dong neak lem Si tiep tun de pecayo jijai benea.

ROMA 5:2

Kerno ite percayo ngen Yesus, mako ite kulo dapet kasih karunio kunei Allah. Neak lem kasih karunio yo, ite idup ngen bangga lem pengharapan ngen temimo kemulioan Allah.

ROMA 7:7

Amen awei o, jano de lok ite nadeak? Jano hukum agamo Yahudi o duso? Paset bae coa! Sebelekne, justru kerno hukum agamo Yahudi uku bi kemnal duso. Kerno uku kulo coa namen jano do'o kelok, amen hukum agamo Yahudi coa madeak, “Jibeak lok!”

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

GALATIA 2:16

Kunyau awei o keme namen bahwo tun baik igai ngen Allah cuma kerno pecayo ngen Yesus Kristus, ngen iso kerno maneu hukum agamo. Keme suang kulo pecayo ngen Yesus Kristus, supayo keme baik igai ngen Allah liwet imen keme o, iso kerno keme maneu hukum agamo. Sebab ngen maneu hukum agamo, coa suang kulo nam baik igai ngen Allah.

GALATIA 3:21

Jano do'o taine bahwo hukum agamo belawen ngen janjai Allah? Paset bae coa! Sebab amen hukum agamo nelei sebagai suaktau de dapet midup, mako memang kebenaran asalne kunei hukum agamo.

GALATIA 3:24

Ngen awei o, hukum agamo jijai sebagai pengawas ite sapei Kristus teko utuk menea ite baik igai ngen Allah kerno ite pecayo ngen Kristus.

EFESUS 3:12

Pecayo ngen Kristus ngen jijai do ngen-Si, ite nelei kebebasan utuk ma'ok Allah ngen penuak kepercayaan.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

1 TIMOTIUS 1:1

Timotius, anokku de sejati neak lem Tuhan! Su'et yo kunei uku, Paulus, rasul Kristus Yesus das periteak Allah, Penyelamat ite ngen das periteak Kristus Yesus, harapan te. Semoga Allah Bapa ngen Kristus Yesus Tuhan ite melei berkat, rahmat ngen sejahtera ngen ko.

IBRANI 10:1

Hukum agamo Yahudi cuma melei gambaran de coa jelas tetang hal-hal de baik de bakea teko, iso gambaran de sebeneane kunei hal-hal o. Coa mukin hukum o dapet jemijai tun de teko nyembeak Allah ngen mbin persembahan, jijai sempurno, Kunyau tiep taun melei kurban-kurban de serai.

IBRANI 11:40

sebab Allah ade rencano de lebiak padek utuk te. Rencano-Ne adeba bahwo cuma besamo ngen te, tobo'o bakea jijai sempurno.

IBRANI 11:6

Coa ade imen, coa suang kulo dapet semnang atei Allah. Sebab tun de teko ngen Allah harus pecayo bahwo Allah ade, ngen bahwo Allah melei bales ngen tun de mesoa-Ne.

IBRANI 3:6

Tapi Kristus setia sebagai Anok de betanggung jawab das Umeak Allah. Ite adeba Umeak Allah, amen ite tep semangat ngen tep yakin utuk dapet jano de ite kenlok.

IBRANI 4:16

Kerno o, maroba ite ngen kembiak binai madep Allah de meriteak ngen baik atei. Allah bakea selen ngen ite, memberkati ite supayo ite dapet pertolongan tepat pado waktaune.

IBRANI 6:18

Duai hal o coa dapet bubeak: Allah coa mukin mike tetang janjai ngen supeak-Ne. Kerno o, ite de sudo belindung ngen Allah, kenuet supayo bepegong teguh pado harapan de tebetang neak adep ite.

IBRANI 7:11

Neak beak pipinan imem-imem Lewi, hukum agamo Yahudi nelei ngen umat Israel. Kerno imem-imem Lewi bel'o o coa dapet menea seca'o sempurno jano de harus neane, mako harus ade imem luyen, adeba de awei Imem Melkisedek, ngen iso kunei golongan Imem Harun igai!

IBRANI 7:20

Kulo, kutene o senerto ngen supeak kunei Allah. Coa ade supeak awei o waktau imem-imem de luyen o naket.

IBRANI 7:25

Kerno o utuk selamo-lamone Yesus dapet semlamat tun-tun de teko ngen Allah liwet Si, sebab Si idup selamo-lamone utuk melei permohonan ngen Allah bagiak tun-tun o.

IBRANI 8:6

Tapi uyo Yesus dapet tugas imem de uak lebiak mulio kunei de kenerjo imem-imem o. Sebab janjai de nea-Ne antaro Allah ngen manusio, adeba janjai de lebiak baik kerno das dasar janjai utuk hal-hal de lebiak baik.

IBRANI 9:9

Dio lambang zaman uyo; taine bahwo persembahan-persembahan ngen kurban-kurban benatang de senreak ngen Allah, coa dapet jemijai atei nurani tun de mbin persembahan jijai sempurno.

YAKOBUS 4:8

Na'okba Allah, Allah kulo bakea ma'ok udi. Mpukba tangennu, udi de beduso! Ngen senucaiba ateinu, udi menduai atei!