IBRANI 7:11 - JANJAI BLAU Lem Bahaso Jang Bebilai

¹¹ Neak beak pipinan imem-imem Lewi, hukum agamo Yahudi nelei ngen umat Israel. Kerno imem-imem Lewi bel'o o coa dapet menea seca'o sempurno jano de harus neane, mako harus ade imem luyen, adeba de awei Imem Melkisedek, ngen iso kunei golongan Imem Harun igai!

IBRANI 7:11 ပူးပေါင်းရင်းမြစ်များ

GALATIA 2:21

Uku coa manggap remeh rahmat Allah. Amen hubungan tun ngen Allah jijai baik igai kerno maneu hukum agamo, do'o taine mateine Kristus coa ade gunone.

GALATIA 4:3

Awei o kulo ngen ite: Selamone ite ati dewasa, ite jijai budok roh-roh de kemuaso dunio yo.

GALATIA 4:9

Tapi uyo udi kemnal Allah, atau lebiak tepat igai, Allah kemnal udi. Nah, getai udi lok belek igai ngen roh-roh dunio yo, de lemah ngen peset? Getai udi lok jijai bodok roh-roh o igai?

IBRANI 5:10

Allah kulo madeak Si sebagai Imem Lai, awei Imem Melkisedek atau de termasuk lem royot Melkisedek.

IBRANI 5:6

Neak penan luyen Allah madeak kulo, “Ko adeba Imem selamo-lamone, awei imem Melkisedek atau de termasuk lem royot Melkisedek.

IBRANI 6:20

Yesus bi meretes dalen moi penan o utuk ite, ngen bi masuk moi mindi jijai Imem Lai ite utuk selamo-lamone, awei Imem Melkisedek.

IBRANI 7:10

Kunyau Lewi ati laher, tapi buliak nadeak si bi ade neak lem awok Abraham ninik puyangne, waktau Melkisedek temau ngen Abraham.

IBRANI 7:12

Nah, amen kedudukan imem-imem bubeak, hukum agamo Yahudi kulo harus nubeak kulo.

IBRANI 7:13

Maksudne adeba Tuhan ite: Si kunei sukau luyen, ngen ati perneak suang kulo kunei sukau-Ne betugas sebagai imem.

IBRANI 7:15

Hal de nadeak yo jijai lebiak jelas igai, ngen timboane suang imem luyen de awei Melkisedek.

IBRANI 7:21

Tapi Yesus naket jijai imem pakei supeak, waktau Allah madeak ngen-Si, “Tuhan bi supeak, ngen Si coa bakea bubeak pendirian-Ne, ‘Ko adeba imem selamo-lamone.’ ”

IBRANI 8:7

Amen coa ade ku'ang neak janjai de pertamo, mako coa perlu nea janjai de keduai.

IBRANI 9:6

Awei'oba kutene natur. Tiep bilai imem-imem masuk moi lem neak muko kemah o utuk maneu tugas tobo'o.