IBRANI 6:2 - JANJAI BLAU Lem Bahaso Jang Bebilai

² atau tetang mpek tangen das tun, atau idup igai kunei matei atau hukuman de kekal.

IBRANI 6:2 ပူးပေါင်းရင်းမြစ်များ

MATIUS 28:19

Kerno'o lalauba ngen kute bangso neak kute dunio, jijaiba tobo'o penotoa-penotoa-Ku. Baptis tobo'o ngen sembut Gen Bak, Anok, ngen Roh Sucai kunei Allah.

MATIUS 3:14

Tapi Yohanes cemubo temgeak kinoi Yesus. Yohanes madeak, “Ukuba seharusne dibaptis ngen Bak. Uyo malah Bak de teko ngen uku.”

MARKUS 16:16

Api de pecayo ngen dibabtis bakea senlamat, tapi api de coa pecayo bakea nukum.

MARKUS 7:4

Ngen amen belek kunei pasar tobo'o kulo coa mukmei amen coa lebiak dute mpuk diraine. Dau adat istiadat luyen igai de tobo'o pegong, umpamone hal mpuk caker, ngen pekakas-pekakas tembago.

MARKUS 7:8

Periteak Allah udi coa demulai, ngen adat istiadat manusio udi pegong.”

LUKAS 11:38

Tun Farisi kemliak hal o ngen si sele, kerno Yesus coa mpuk tangen-Ne ayok mukmei.

LUKAS 12:50

Uku harus temimo saro ngen atei-Ku kembiak ragau ayok o tejijai.

LUKAS 14:14

Ko bakea temimo berkat, sebab tun-tun o coa bakea dapet males kebaiknu. Kebaiknu bakea nales Allah pado waktau tun-tun de baik nidup igai kunei mateine.”

LUKAS 3:16

Do'o sebabne Yohanes madeak ngen tobo'o kute, “Uku baptis ko ngen bioa, tapi konyo bakea teko Tun de lebiak lai kunei uku. Mukok tilai sepatu-Ne kulo uku coa patut. Si bakea baptis ko ngen Roh Allah ngen opoi.

YOHANES 1:33

Waktau'o kulo uku coa kemnal Si. Tapi Si, de nutus uku utuk membaptis ngen bioa, sudo berfirman ngen uku, ‘Amen ko kemliak Roh'o tu'un moi das suang tun ngen tinggea neak das-Ne, Siba de bakea membaptis ngen Roh Sucai.’

YOHANES 5:29

Ngen tobo'o de menea baik bakea keluea ngen idup igai utuk idup de kekal. Tapi tobo'o de menea kidek bakea idup igai utuk nukum.”

KISAH RASUL-RASUL 10:47

“Cubo kemliak, tun-tun yo bi dapet Roh Sucai awei ite. Jijai jano dapet tun-tun temgeak tobo'o utuk dibaptis ngen bioa?”

KISAH RASUL-RASUL 13:3

Lajau tobo'o puaso ngen bedu'o, sesudo mpek tangen moi das duai tun'o, tobo'o munyau keduaine lalau.

KISAH RASUL-RASUL 16:15

Sesudo si dibaptis besamo-samo kute tun neak umeakne, si majok keme, nadeakne, “Amen udi bependapet bahwo uku sungguak-sungguak pecayo ngen Tuhan, maroba nupang neak umeakku.” Si desok sapei keme temimone.

KISAH RASUL-RASUL 16:33

Pado jam o kulo kepalo sel o mbin tobo'o ngen mersi sileak tobo'o. Seketiko o kulo si ngen keluargone melei dirai utuk dibaptis.

KISAH RASUL-RASUL 17:18

Gu'au-gu'au aliran Epikuros ngen aliran Stoa bedebat kulo ngen si. Ade de madeak, “Jano de lok tukang ngike madeak?” Tapi de luyen madeak, “Rupone si melei namen tetang ajaran diwo-diwo bangso luyen.” Kerno si melei namen Bito Baik tetang Yesus ngen idup igai sesudo matei.

KISAH RASUL-RASUL 2:38

Petrus jemawab, “Tobatba kunei duso-dusonu. Lokba tetiep udi baptis das gen Yesus Kristus, supayo duso-dusonu napun. Mako udi bakea temimo hadiah Roh Sucai kunei Allah.

KISAH RASUL-RASUL 2:41

Tun-tun de temimo kecekne o neak baptis ngen pado bilai o jumlah tobo'o betambeak kekiro telau ribau jiwo.

KISAH RASUL-RASUL 23:6

Kerno Paulus namen bahwo pa'o kunei tobo'o tun Saduki ngen pa'o tun Farisi, si menggang lem Mahkamah Agamo, “Pasuak-pasuak uku adeba tun Farisi, royot tun Farisi; uku nadep moi mahkamah yo, kerno uku lok tun matei idup igai.”

KISAH RASUL-RASUL 24:15

Uku mpek harapan ngen Allah, serai awei tobo'o kulo bahwo bakea ade tun matei idup igai, baik tun de benea atau tun de coa benea.

KISAH RASUL-RASUL 24:21

Atau jano mukin kerno do-done kecek de uku madeak, ketiko uku je neak tengeak-tengeak tobo'o, adeba: Kerno hal tun matei idup igai, bilai yo uku nadep ngen ko.”

KISAH RASUL-RASUL 24:25

Tapi ketiko Paulus miling tetang kebenea, taen nafsu ngen tetang ukuman pado Bilai Kiamat, Feliks jijai saben, si madeak, “Cukupba kileak ngen lalauba uyo; amen ade kesepatan baik, uku bakea menok ko.”

KISAH RASUL-RASUL 26:8

Getai udi manggep mustahil bahwo Allah midup igai tun matei?

KISAH RASUL-RASUL 4:2

Tun-tun o kembiak mengiak sebab Petrus ngen Yohanes ngajea tun dau bahwo lem Yesus ade idup igai kunei antaro tun matei.

KISAH RASUL-RASUL 6:6

Ketujuak tun o nusul ngen rasul-rasul, lajau rasul-rasul o bedu'o ngen minoi berkat Tuhan utuk tobo'o.

ROMA 2:16

Hal o bakea keten pado bilai, amen Allah, sesuai ngen Bito Baik de uku melei namen, bakea mukum kute sesuaktau de coa keten lem atei manusio, liwet Kristus Yesus.

1 KORINTUS 10:2

Utuk jijai penotoa-penotoa Musa, tobo'o kutene dibaptis neak lem embun ngen laut o.

1 KORINTUS 12:13

Awei'o kulo ite kute, baik tun Yahudi atau iso tun Yahudi, hamba-hamba atau tun-tun bebas; ite kute bi baptis ngen Roh de serai, supayo ite jenijai do ngen awok Kristus. Ite kute kulo meding Roh de do o sepenuakne.

2 KORINTUS 5:10

Sebab paset ite kute bakea mbin moi adep pengadilan Kristus, memasing bakea dapet balasan setimpal ngen plepne neak dunio yo, baik atau kidek.

FILIFI 3:21

Awokte de lemah ngen dapet ajua yo, Kristus bakea mubeak jijai awei awok-Ne suang de mulio. Si dapet menea o kerno Si temuan kuaso utuk maleak kute sesuaktau.

KOLOSE 2:12

Sebab pado waktau udi dibaptis, udi kenubua besamo-samo Kristus; ngen baptisan o kulo, udi kulo nidup igai besamo-samo Kristus kerno udi pecayo ngen kuaso Allah de bi midup Kristus kunei matei.

2 TIMOTIUS 2:18

Tobo'o bi nyeleweng kunei ajaran de benea, ngen kemacau pecayo pa'o tun. Tobo'o madeak bahwo idup igai kunei matei bi tejijai.

IBRANI 11:35

Kerno berimen, mako selawei-selawei dapet igai tun-tunne de bi matei, sebab tobo'o nidup igai. Ade kulo de rela senikso sapei matei, ngen temulok utuk bebas, kerno lok nidup igai debuak kehidupan de lebiak baik.

IBRANI 9:10

Kerno upacara-upacara o cuma berkenan ngen kembuk, menem, ngen memecem upacara penyucian. Kutene cuma peraturan-peraturan laher de beguno cuma sapei waktaune Allah menea pembaharuan.

2 PETRUS 3:7

Tapi lenget ngen bumai de ade uyo yo, senido firman Allah o kulo utuk nembem ngen opoi. Uyo lenget ngen bumai masiak senido sapei pado bilai tun-tun de jahat nukum ngen nunuak.